# Design Challenge - නිර්මාණ අන්තර්ගතයන්

https://bit.ly/2XWZ7em

## පෝස්ටර් නිර්මාණයක් - ගාලු සාහිත්‍ය උළෙලේ සිංහල දිනය සඳහා

ගාලු සාහිත්‍ය උළෙල - 2017

2007 වසරේ අරඹා වාර්ෂිකව පවත්වනු ලබන ජාත්‍යන්තර මට්ටමේ ශ්‍රී ලාංකීය සාහිත්‍ය උළෙල මෙවර ඉංග්‍රීසි, සිංහල ද්වී භාෂාවෙන්ම 2017 ජනවාරි 11 සිට 15 දක්වා ගාලු කොටුවේදී පැවැත්වේ.

ජනවාරි 11, 12, 13 සහ 15 දිනවල ඉංග්‍රීසි මාධ්‍ය වැඩසටහන් සහ ජනවාරි 14 මුලු දිනය පුරා සිංහල මාධ්‍ය වැඩසටහන් පැවැත්වේ.

ජනවාරි 14 වැනිදා සිංහල වැඩසටහන “20 වෙනි සහ 21 වෙනි සියවස් වල සිංහල සාහිත්‍යය සහ ජාත්‍යන්තර සාහිත්‍යය අතර අැති සබඳතා” යන තේමාව යටතේ ගාලු කොටුවේ සමුද්‍ර කෞතුකාගාර පරිශ්‍රයේදී එදින උදෑසන 9.00 සිට සවස 4.30 දක්වා පැවැත්වේ. වැඩසටහන සාකච්ඡා, කාව්‍ය විචාර, පරිවර්තන විචාර සහ කෙටි චිත්‍රපට දර්ශන වලින් සමන්විත වන අතර සහභාගීත්වය සඳහා කිසිඳු අයකිරීමක් නැත.

සහභාගීත්වය -

අනුක් අරුද්ප්‍රගාසම්, අශෝක් ෆෙරී, චන්න දාස්වත්ත, නිහාල් සේනානායක, දිලීප අබේසේකර, ඉස්මෙත් රහීම්, ජයන්ති කුරු-උතුම්පාල, ජොහාන් පීරිස්, කපිල කුමාර කාලිංග, කිෂානි ජයසිංහ, ලියනගේ අමරකීර්ති, නයෝමි මුණවීර, පාලින්ද කන්නංගර, පියසීලි විජේමාන්න, පියල් කාරියවසම්, ෂෙහාන් කරුණාතිලක, සුනේත්‍රා රාජකරුණානායක, සුනිලා ගලප්පත්ති, මාලතී කල්පනා ඇම්බ්‍රෝස්, ජීන් අර්සනායගම්, ත්‍යාගරාජා අර්සනායගම්, ඉසුරු චාමර, ශ්‍යාම් දිසානායක, කුවින්ටස් ප්‍රනාන්දු, ඉලංගෛ තමිලන්, එරික් ඉලයප්ආරච්චි, ප්‍රභාත් ජයසිංහ, සුනන්ද කරුණාරත්න, තීනා කුමාරගුණරත්න, සේපාලි මායාදුන්නේ, ටෙනිසන් පෙරේරා, සමන් වික්‍රමාරච්චි, නන්දා පෙතියාගොඩ වනසුන්දර සහ තවත් දෙස් විදෙස් ලේඛක ලේඛිකාවන්, කවීන්, විචාරකයින් රැසක් සමඟ දෙස් විදෙස් සාහිත්‍ය රසික ජනතාව

උළෙල ගැන වැඩි විස්තර උළෙලේ වෙබ් පිටුවෙන් සහ වැඩසටහන් පෙළගැස්මෙන් ලබාගත හැක. (https://galleliteraryfestival.com/)

## ටිකට් නිර්මාණයක්

### ස්ටේජස් තියටර් ගෘෘප් නිශ්පාදනය කරන කලුමාලි නාට්‍යයේ සිංහල දර්ශන වාරය

කලුමාලි - වැඩිහිටියන්ට සුරංගනා කතාවක්

අධ්‍යක්ෂණය - රුවන්ති ඩි චිකේරා

නිශ්පාදනයක් - ස්ටේජස් තියටර් ගෘෘප්

සහයෝගය - සුනේත්‍රා බණ්ඩාරනායක භාරය

සම අනුග්‍රහය - පොන්ඩ්ස්, ඩව් හා ජෝන් කීල්ස් සමාගම

මාධ්‍ය අනුග්‍රහය- විජය ප්‍රකාශන

නොයෙක් බාධක මැද නපුර පරාජය කර යහපත හා සත්‍යය ජයගන්වන වීරයන් සහ වීරවරියන් අපට සෑම සුරංගනා කතාවකදීම හමු වෙනවා. මේ බොහෝ කතා අවසානයේදී කතා නායකයින් ඔවුන් ඔවුන්වම සොයා ගැනීම නිරන්තරයෙන් දකින්නට ලැබෙනවා. යථාර්ථයෙන් දුරස්ව වුවද ජීවිතය පිලිබඳ සියුම් අවබෝධයන් ලබා දෙන්නට මේ සුරංගනා කතා වලට අැත්තේ අනගි හැකියාවක්.

නළු නිළි කැළ -

අයිරාංගනී සේරසිංහ, පීටර් ද අල්මේදා, කෞශල්‍යා ප්‍රනාන්දු, නදී කම්මැල්ලවීර, ලක්මිණි සෙනෙවිරත්න, ගිහාන් ද චිකේරා සහ ධනුෂ්ක ඩයස්

කලුමාලි සිංහල සහ ඉංග්‍රීසි භාෂා ද්විත්වයෙන්ම 2012 සැප්තැම්බර් 13 වැනිදා සිට 16 වැනිදා දක්වා ලයනල් වෙන්ඩ්ට් රඟහලේ වේදිකා ගත වීමට නියමිතයි. සිංහල දර්ශන වාරයන් 14 වන සිකුරාදා සහ 15 වන සෙනසුරාදා ප.ව. 7.15ට අාරම්භ වේ. ප්‍රවේශ පත්‍ර සැප්තැම්බර් 1 වැනිදා සිට ලයනල් වෙන්ඩ්ට් රඟහලෙන් ලබා ගත හැක.

නාට්‍යය පිළිබඳ වැඩි විස්තර ස්ටේජස් තියටර් ගෘෘප් වෙබ් පිටුවෙන් ලබාගත හැක. (http://stages.lk/plays-and-events/kalumaali-a-fairy-tale-for-grown-ups/)

## ප්‍රවෘත්ති වෙබ් පිටුවක් - පහත දැක්වෙන්නේ අදාල ප්‍රවෘත්තියයි

අප කැමති වුණත් නැතත් අද භාෂාවට තාක්‍ෂණය පුදුම විදිහට බලපා තිබෙනවා - මහාචාර්ය ජේ. බී. දිසානායක

මහාචාර්යවරයා මේ බව ප්‍රකාශ කළේ දේශීය භාෂාවන්ගෙන් තොරතුරු හා සන්නිවේදන තාක්‍ෂණය ප්‍රචලිත කිරීම පිළිබඳව ආරම්භ කර ඇති නව වැඩසටහන් හඳුන්වාදීම සඳහා පසුගියදා කොළඹදී පැවැති ප්‍රවෘත්ති සාකච්ඡාවකදීය.

ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනය විසින් මෙහිදී ලාංකිකයන්ට භාෂාව තාක්ෂණය හා අනුගත කිරීමේදී විවිධ අසම්මත ක්‍රම නිසා ඇති වී තිබූ ව්‍යාකූලතා විසඳීමේ මඟක් ලෙස ප්‍රමිතිකරණයේ වැදගත්කම පැහැදිලි කරන ලදී. භාෂාව කුමක්‌ වුවත් ක්‍රමලේඛය කුමක්‌ වුවත් ඒවා ක්‍රියාත්මක වන පසුබිම කුමක්‌ වුවත් සෑම බසකම සෑම අක්ෂරයකටම අනුමත කේත අංකයක්‌ සපයන යුනිකෝඩ් අන්තර්ජාතික ප්‍රමිතිය තාක්ෂණය අැසුරෙහි භාෂාව හැසිරවීම පිළිබඳ වන මූලික පූර්ව අවශ්‍යතාවයක් ලෙස ප්‍රචලිත කිරීමේ වැදගත්කමද

සිංහල අක්ෂර සඳහා (ශ්‍රී ලංකා ප්‍රමිති 1134 (2004)) සහ දෙමළ අක්‌ෂර සඳහා (ශ්‍රී ලංකා ප්‍රමිති 1326 (2008)) ශ්‍රී ලංකා ප්‍රමිතීන් වන අතර මෙම දෙකම යුනිකෝඩ් ප්‍රමිතියට අනුකූල වේ. පරිගණක තුළ අක්‌ෂර ගබඩා කළ යුතු ආකාරය මෙම ප්‍රමිතිවල දී විස්තරාත්මකව සඳහන් කර තිබේ. මේ අනුව එකම ලේඛනයේ සිංහල, දෙමළ, ඉංග්‍රීසි හා වෙනත් ඕනෑම බසක අක්‍ෂර ඇතුළත් විය හැක. ශ්‍රී ලංකා ප්‍රමිතිවලට අනුකූලව පරිගණක භාවිත කිරීමට අවශ්‍ය යතුරු පුවරු ධාවක ද භාවිතයට එක් කර ඇති බව එම නියෝජිතායතනය පවසයි.

මේ ප්‍රවෘත්ති සාකච්ඡාවට ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ සභාපති මහාචාර්ය පී. ඩබ්ලිව්. ඈපාසිංහ, එහි ප්‍රධාන විධායක නිලධාරී රොෂාන් දේවපුර යන මහත්වරුන් ඇතුළු තවත් තොරතුරු තාක්‍ෂණ විද්වත්හු විශාල පිරිසක්‌ ද එක්‌ව සිටියහ.

ශ්‍යාම් නුවන් ගනේවත්ත විසින් දිවයින පුවත්පත සඳහා සැකසූ ලිපියක් අැසුරිනි. එහි හිමිකම් දිවයින පුවත්පත සතුය. වැඩි විස්තර සඳහා පහත වෙබ් ලිපිනය බලන්න. (http://www.divaina.com/2012/05/05/news11.html)

# ග්‍රැෆික් නිර්මාණ තරගය -
# සිංහල අකුරු හා ටෛපොග්‍රැග්‍රැෆි නිර්මාණකරණ තරග අවකාශය

සහස් වස් ගණනක දිගු ඉතිහාසයක් ඇති සිංහල අකුර ජනතාවට වඩාත් සමීප වන්නේ වසර 280 කට පෙර සිංහල මුද්‍රණය ඇරඹීමත් සමඟයි. මුද්‍රණයත් සමඟ සැකසුණු නව පසුබිම පදනමක් කර ගනිමින් නව මාධ්‍යයන් ඔස්සේ සිදු වූ සිංහල අකුරේ විකාශනය සමරන්නට තරම් වටනා දෙයක්.

‘සිංහල ටෙෙපොග්‍රැෆි නිර්මාණ’ තරගාවලිය, සිංහල අකුරේ හැඩතල ගැන සිතන ඔබගේ සහභාගීත්වය එ් අනගි අවස්ථාවේ අායෝජනය කරන්නට ඔබට ලැබෙන අමිල අවකාශයක්. ඔබගේ නිර්මාණශීලීත්වයත්, නිර්මාණකරණයට අැති ලැදියාවත් දක්ෂතාවයත් තරග අවකාශයේ එළිදක්වා ජයග්‍රහණය තහවුරු කරගන්න.

[Typoday - 2017](http://typoday.in/) සහභාගීත්වය සඳහා ප්‍රවේශපත්‍ර 6 ක් ඔබ වෙනුවෙන් සූදානම්.

Typoday - 2107, පෙබරවාරි 23, 24 සහ 25 දිනයන් හි බස්නාහිර පළාත් සෞන්දර්ය නිකේතනයේ පැවැත්වෙන ජාත්‍යන්තර සහභාගීත්වය අැති වැඩසටහනකි. එය අකුරු පිළිබඳ උනන්දුව දක්වන සැමටත් විශේෂයෙන් සිංහල අකුරු එදිනෙදා නිර්මාණකරණය සඳහා භාවිතා කරන නිර්මාණවේදීන් සියල්ලන්ටමත් නව දැනුම, නව නිර්මාණ අවස්ථා සහ සහයෝගීත්වය උදාකරන එළඹුමක් ද වේ.

<div style="float:left;" class="fb-share-button" data-href="http://akurucollective.com/" data-layout="button" data-size="small" data-mobile-iframe="true"><a class="fb-xfbml-parse-ignore" target="_blank" href="https://www.facebook.com/sharer/sharer.php?u=http%3A%2F%2Fakurucollective.com%2F&amp;src=sdkpreparse">Share</a></div>

<a class="twitter-share-button"
href="https://twitter.com/intent/tweet?text=දැන්ම ලියාපදිචි වන්න෴සිංහල අකුරු හා ටෙෙපොග්‍රැෆි නිර්මාණකරණ තරග අවකාශය෴෴෴ http://akurucollective.com/"
>
Tweet</a>

## තරග විස්තර

තරග අවකාශය නිර්මාණ ධාරා තුනක් යටතේ වෙයි. එක් ධාරාවකින් ජයග්‍රාහකයින් දෙදෙනෙකු තෝරාගැනේ.
සෑම නිර්මාණයකම අන්තර්ගතයන් සඳහා අවශ්‍ය වන [විස්තර](https://hackmd.io/cNhs69QfR0mwoMi6LY4FFQ?edit)

- පෝස්ටර් නිර්මාණයක්
ගාලු සාහිත්‍ය උළෙලේ සිංහල දිනය සඳහා පෝස්ටරයක්
A2 ප්‍රමාණය, අවශ්‍යතාව පරිදි ඕනෑම පරාසයක වර්ණ සංයුතියක් භාවිතා කළ හැක

- ටිකට් නිර්මාණයක්
ස්ටේජස් තියටර් ගෘෘප් නිශ්පාදනය කරන කලුමාලි නාට්‍යයේ සිංහල දර්ශන වාරය සඳහා ටිකටයක්
සෙන්ටිමීටර් 21 x 10 ප්‍රමාණය, ලෑන්ඩ්ස්කේප්

- ප්‍රවෘත්ති වෙබ් පිටුවක්
පික්සල් 1500 ක් පළලින් ඕනෑම උසකට

## කොන්දේසි

තරගයේ සහභාගීත්ව අවකාශය ඕනෑම කෙනෙකු සඳහා විවෘතයි. වයස් සීමාවක් නැත.
තරඟ අවකාශය නිර්මාණ ධාරා 3 ක් යටතේ වෙයි. එ් එ් ධාරාවේ යෙදෙන නිර්මාණ සඳහා අවශ්‍ය වන අාදර්ශ පෙළ කෙටුම්පත් [මෙම සබැඳියෙහි](https://hackmd.io/cNhs69QfR0mwoMi6LY4FFQ?edit) සපයා අැත. ඔබගේ නිර්මාණය සඳහා ගැලපෙන පරිදි එ් අාදර්ශ කෙටුම්පත් වෙනස්කරගැනීමට හැකියාව අැත. නමුදු, නිර්මාණය මඟින් සන්නිවේදනය විය යුතු සියලු තොරතුරු අවසන් නිර්මාණයේ අන්තර්ගත විය යුතුය.

- එක් තරඟකරුවෙකුට / කාරියකට තම අභිමතය පරිදි නිර්මාණ ධාරා එකක් හෝ වැඩි ගණනක් ඔස්සේ නිර්මාණ ඉදිරිපත් කළ හැක. එක් නිර්මාණ ධාරාවකින් ඉදරිපත් කළ හැක්කේ එක් නිර්මාණයක් පමණි. එහෙයින් එක් තරගකරුවෙකුට / කාරියකට ඉදිරිපත් කළ හැකි උපරිම නිර්මාන සංඛ්‍යාව 03 ක් වේ.

- නිර්මාණ සඳහා ඡායාරූප යොදාගන්නේ නම් එ් සඳහා වන කතෘ අයිතිය තහවුරු කළහැකි විය යුතුය.

- නිර්මාණය නිර්මාණකරුවාගේ ස්වීය නිර්මාණයක් බව තහවුරු කරගැනීම උදෙසා එහි ඩිජිටල් මුල්පිටපත tif, svg හෝ xcf යන යම් අාකාරයකින් උඩුගත කළ යුතුය.

- තරඟය සඳහා ඔබේ සහභාගීත්වය 2017 පෙබරවාරි 18 දහවල් 12 ට පෙර තරඟය සඳහා ලියාපදිංචි වී තහවුරු කරන්න.

- නිර්මාණයේ ඩිජිටල් මුල්පිටපත (tif, svg හෝ xcf) සහ අවසන් නිර්මාණයේ jpeg පිටපත හෝ pdf පිටපත 2017 පෙබරවාරි 20 දහවල් 12 ට පෙර
hello@akurucollective