# Knbyaxun lningan psliyan pntasan pnhyuwan phiyu ppwaluk dmuuy wikibase:Pusu snlbu psruway patas ssrngaw pntasan Passage * Sediq Toda : Uya Pawan 洪良全 Pntasan pusu patas OCLC’’Passage”psruway patas ssrngaw pntasan nii u kiya kmuruy kiya mi mtduwa nngalun sapah saan qmita patas cmikul pswaluk qqpahun pdaun pntasan mnlngu ttlngan, pdaun pqqta kcka ssluhay ddaun Passage, pswaaw qmuruy Wikibase mniq phiyu, qmlahang mi msuupu msblayaq mtnunan ptura quri saw psliyan pntasan nii. Ya mtduwa mnlngu mqpuring sediq alang sapah sliyan pnatas ptura mhraw mi mangal ppwaluk ddaun elu knkla. Kingal ddiyun tnnunanan qmlahang mi pltudan pssliyan pptasun qqiya Conpyuta ka Wikibase, kiya plkuh psmalu pusu mtudu Wikidata uri.Hiya u pdaan na mduuy ana sa ini kla bay mlutuc pssliyan pntasan kiya msclokah phiyu mi psmalu plutuc pssliyan pntasan. Ruwan u phiyu ou bay krkari tduwa balay smalu kari uxay kari patas Rating, pstnay pnsltudan asi smtama pnealu hnang ppriyux qqpahun bnkuwan smmalu patas, krinah bay pstutuy ddiyun na psliyan pptasan mi rrihan ka ou elu kari ppwaluk Wikibase. Rinah bay pssmalu nngalun lnglingay psliyan pntasan. Iiyux balay ppkla kcka uwewan ppiya pusu na ssrngaw ka truma nii: ## Ka1. Ptrawah tnnunan mi psramal uuda tansing Psmangal tututu tduwa cclokah muda phiyu qqiya ka psramal euda ptrawah Wikibase, kiya mi ppwaluk ddiyun ta pssliyan pnnatas patas. Saw tnunan nii u dmayaw balay qmangaw snbrxan tnlngan ddiyun, qqiya bnarah mi qmuruy miying dduuy. ## Dha. Msblyaqan ka brah baraw, binaw ida asi ka ddulun. Asi bay qqtai kana ka sspuwan ndaan qmpah Wikibase, ana nanaq pkrana kkluwan uxay uri u bnkuwan smnalu pntasan, saw ddaun na rhngun wada llbu kana. Nasi saw ini ptuku rngawan pnnatas uxay uri u mdudul ttsaun mptusa, ida mslxan mrdang pqriyan ka sediq hana ssluhay, mi hmmuk psmalu knmalu balay biyax na pntasan, pusu balay pnluban u ptuura bay pkmalu ttsaun dnuuy mi dmayaw sediq alang. ## Tuturu. Knbaraw balay mnlngu embbiyax phiyu hnyuwan mi ini kbaka smnru ppwaluk lnglungan muda tntunan dngusun. Rmngaw Wikibase nii u nuuqu tduwa dhuq knrinah malu mi phiyu hnyuwan mnlngu pnatas sapah pssliyan patas cbiyaw ka elu uuda smnru. Kiya ka kiya mi muda qmpah smnru dnuuy ciida, adaw ka ini ptuku smnru ppwaluk lnglungan muda tntunan dngusun, kika balay bay qpahan smnru kmuruy ini biyax prmaxun. Saw ka ini ptuku tntunan nii, knttun qpahun mslxan phiyu huyuwan wada na mqriqu, saun na tuumal ka ini kbaka, kika ndaan niya daw, wada ppriyux trawah mi bbaraw da, pkrana smliq dnuuy. Binaw tduwa pcmiyah diyax kndudul thwayun pkrana mi psmalu ka sslingan nii. ## Spac. Mttuku ka pndaun na, binaw ini mnlngu ka balay bay qqpahun niya. Ana nanaq wada dhqan mtuku ka ttsaun Wikibase, msdhriq kana ka ndaan qpahun na, kiya ka kiya mi ini angal kngkingal lnglungan ka ddaun na qqpahun, adaw bay ini pntna aangal kiya niqan bbaraw mi llbu knmalu bay ddaun mi mnlngu qqiya. Kiya pcmiyah qqiya pssliyan pntasan, uuda qpahun mi euda ppdayaw uxay uri ini pnta lnglungan ka kcka sediq alang, ptuumal pkrana qmangaw mqriqu mi ttdiyal mddayaw qmpringan. ## Rima. Kndadax tssus bnkuwan smmalu mkksa quri kmpriyux lnglungan rnchan lutuc nklaan Wikibase Sbuway sapah pssliyan patas kndadax qqpahun bnkuwan smmalu ka uuda Wikibase, ppryuxun na phiyu pkrana nklaan rcuhan lutuc lmlu hnyuwan; spuda kingal kluwan mtlxan mnlngu pnluban ppwaluk lnglungan ka nklaan rcuhan lutuc, tduwa pklaun qqiya gikayi kklaan tnnunan pklaun umarang. Saw knpriyux nii u uxay wana pkrana psnalu, kkrinax qmlahang brax beyhing, kklaun pssliyan pntasan mi bbnarah dngusan psli nklaan, saw nii pa matas bay bnrihan ddxral sapah pssliyan patas nii. ## Mturu. Dha ka bbhrwun: quri saw ttsaun knmalu smalu mi qmlhang ### quri saw ttsaun knmalu smalu Ana nanaq mniq phiyu hnyuwan psliyan pntasan mi quri saw qmlahang mbiyax balay ka Wikibase, binaw mniq sslingan psliyan pntasan,ptuura qtaan nanaq mi qlhangan psliyan pntasan naq dnii quri saw sediq euda ddiyun ida twaan pkmalu hari. Kiya daw uka kingal kkray tnunan miyah balay bay kngkingal smli pnnatas mi pswaluk ndaan kcka uuda nganguc. Kiya ka snlingan nii u wada hmtur Wikibase beyhing bay muda posa. ### Quru saw qmlahang nii: Mniq qmlahang tntunan nii u niqan ou bay sslhayun ka ddaun hnyuwan ptrawah sediq qmpringan： * Hmuya enchaya phiyu mi pplkuhan kingal knmalu mdayaw sediq qmpringan? * Ima ka niqan hiqur mnduwa bay knmalu pntasan mi balay balay mnlngu ka pnyahan psliyan pntasan. * Mniq muda tuumal mtrawah mi kcka elu uuda pnsdhuwan,hmuya enchaya mangal mntna? * Naka dmuuy manu miyah phiyu ka knmalu pdaun qmpah? So ka bbhrwun nii u uxay wana ddaun ttsaun knmalu smalu, knrinah bay sediq mi snhiyan sediq mi ppwaluk kcka bbrihan. Kiya prngawan ta saw phiyu uuda nklaan umarang knxalan saya kiya pusu bay srngaw patas, kiya asi ka pdaun pprngaw kngkingal sediq qmpringan, kiya u dhuq pnsduwan hbaraw sediq bbhihan kngkingal lnglungan. ## Nhdaan Wikibase nii u mquri ppwaluk pndaan pqpah psliyan pntasan subway blbalay prading tmalang ka sapah pssliyan patas. Kiya ka knburah ddaun phiyu hnyuwan, pplkuh ou kari mi cmhdil bay qmita psliyan pntasan schdilan dmuuy tununan pntasan, mi mquri msblayaq ttsaun knmalu smalu rhngun, ptura bay kana pdaun qmangaw elu uuda nklaan msupu masu kkbiyax lningan tndxral. Kiya daw, wa hana mniq pkrana ciida mi kkdiyax knburah ka Wikibase, nxal daw ida smtama ana inu sediq knttu mtmay,mpprngaw mi qmlahang, so kiya daw qhdun pkrana nniqan na biyax lningan uri. Snlbu rmngaw pa, uxay ppwaluk thiti psliyan pntasan ka Wikibase, kiya u muda mquri ptrawah, mntna kana mi niqan balay umarang pkrana pusu biyax lningan elu uuda nklaan. * 閱讀[完整報告](https://hackmd.io/@wikidata-tw/oclc2019report)