# Pnkrana spheyu splutuc ngngalan pntasan nWikibase. Pgkela pnquri ndaan nPassage

* Seediq Tgdaya : Aking Nawi 黃美玉

Pnklaan patis srengo na OCLC " Passage ", dungus na ge, ye maha malu spooda ooda pcikul msnegul splutuc Rence Curiyaw(Linked Data) Tusukuwan. Spooda sqita ndaan pnheyu Passage, splutuc snteran pnqlhangan nWikibase ka snliyan pntasan. Ye mpdehuk ngngalan ppyahan gnklaan na pntraguh daka eluw pnslutuc Tusukuwan sociyun.

Wikibase ge, kingal qyqeya pqlhangan pnhyegan, splutuc pntasan. Irih mplekuh pntlhayan eruc nWikidata. Anaq uxe mtluhe dmoi Rence Curiyaw, leexan yahan mpheyu, ma psnetur Rence Curiyaw. Truma na knklegan eluw krkari, pdehuk psnetur kari uxe nLatingun. Pssengan daka pnugtange tneelu erueru hengak snteran oda sptbeku. Knklegan eluw kkari nWikibase, pkrana ngngalan patis pnyahan ma pnkari. Sptuting paru knprana npkdkilan Curiyaw.

Ngalan spruun kari pnrngagan.

## 1. Sptraguh pnhyegan ma knbgrahan sslmeyan
Wikibase ge, qyqeya leexan spooda knbgrahan yyahun tuuman ntgteru mremux pkrana. Ma splutuc saangal patis sneli pntasan. So nii pnhyegan knpruwan ba sdayo na qmango ngngalan pntraguh, ma qyqeya knbgrahan ngngalan sskdiyan.

## 2. Spkdamac eeluw, ma asi ka spdudul nana
Spooda naq pnyahan daha dnoi ka kana ooda nWikibase, anaq so pnkrana pnyahan ma dungus spatis, spleexan ka mpremux mmeeyah. Ani si uka ka patis spgkela, ma uka so mptgesa mdudul de, ini beyo mgedang ka hani slluhe. Ma pkeeyux ka pnyahan na beyax knlmeyan duri. Klaun mesa spkdungus ka pnyahan pntgesa, daha ka pndayo luwan.

## 3. Beyax knpruwan pnheyu sspegan daka nngaciq nPuntirun
Ssnruwan pnugklaan eluw Wikibase, rmabang knbtunux pnsbale na eluw daha ka pnslutuc nTusukuwan. Ani si ssnruwan na ooda, anu Pntirun(Ssneeru ma pnltulan dungus spheyu.) so ini ptuku pnklaan melux mpsgila ka spooda. So ini ptuku pnhyegan, ani leexan ddaan snphegan ge, mrriyung pnqriqu, ma nniinu spgmihu ka nngngaciq. Pgcuhe ddaan, pqnedis tnugaran pnllaxan. Ani si pnkkingal ali, psmyahun ka pnkrana na ka knbgrahan ndaan.

## 4. Mtuku knlmeyan, sooda ini dehuk sphegan nana
Mtuku pntluhe nWikibase ma mtleelu ddaan. Ani si ooda sqeepah ini pskingal ka lnlungan nana. Pdhekan knlmeyan na pnyahan maha ini pstena ka pnhyegan. Psmyahun knlmeyan pnyahan pnatis na knkluwan spooda ddaun, ma so ini pggaluk lnlungan, ppkrana pnqriqu sooda pntuuman sqango lluwan.

## 5. Kndalax smnetur knkingal pnyahan spkriyux kkingal gnklaan
Eluw Wikibase spkela spatis oda pntbeku speeniq Tusukuwan, spryuxan pheyu gnkela eluw pnhyegan Cusutupu; pnktaso spkela ndaan splutuc knbkeyan, kklaan spheyu gnkela na kikay. Pnryuxan uxe wano naq pnkrana pntlhayan, dehuk beyax dmoi sooda, pnkbgurah patis sneli, ma knbrhaan pnsdngusan. Ki nii ka mptheya ba dndilan na quri Tusukuwan.

## 6. Ptlaman ddaan daha. Pntluhe daka spqlahang
### Quri ptlhayan
Anaq paru ba pnhyegan ppatis daka spqlahang na Wikibase. Ani si sslingan pskadi, spqita ngngalan, ma so pnqlhangan pnyahan na aalang, psmyahun ka pnklmeyan na nana. Wikibase duri, ini dehuk pgkere speeniq knkkingal patis sneli, ma so mpgeegul mquri eluw pnyahan na icil duri. Nii ka pkeeyux Wikibase spooda qnlahang na pnsrama.

### Quri pqlhangan
Oda splhelih Sociyun knkkingal eguw sptlhayun spqlhangan.
* Huwa kesun maha dehuk pgkere sdayo ka Sociyun?
* Ima mqlahang snbale pgdngusan pnyahan ka pntasan?
* Huwa kesun sptena eluw mneyah ptuuman ka sooda?
* Maha so kenu ka mpdehuk spooda ngngalan sphyegan?

Kana ddaun pnqraqil nii, uxe wano naq spooda pntlhayan, mqquri oda dsseediq mssnhei daka mspkdungus. Eluw Mingcuhuwa ka spseli pnyahan, ma pprngagul knkluwan Sociyun. Ki nii mpdehuk speeniq ka kana pnugaluk ka pnrngagan.

## Kari tbukuy
Wikibase ge, prdingan oda pnheyu sqeepah muqri knlangan oda pgkere Rencecuriyaw nTusukuwan. Knlmeyan pnheyu ddaun, pgklekuh rahur kari srengo, ma spruun sqita ka pnyahan pntasan pnhyegan. Kana spremux yyahan pntlhayan duri, spdungus qqtaan qmango gnklaan ka nniqal na kntrmanan.

Ani si, ni hani pkrana ma mslutuc ka ooda, psmyahun gntange yyahan remux na knklangan, pprngagan ma spqlahang. Kika meeniq knlmeyan ka beyax na sprana nii.

Kingal kari, uxe mphputing ka Rence Curiyaw nWikibase, mpntraguh knuglahang, pnstena, ma pnkrana kntrmaan pusu na eluw cusiyun ka nii.

* 閱讀[完整報告](https://hackmd.io/@wikidata-tw/oclc2019report)