# 台灣話觀點ê閩南語維基百科-應該欲按怎做較好 <!-- Put the link to this slide here so people can follow --> slide: [https://hackmd.io/84wLiKz-TpCrm3sd65bo-Q](https://hackmd.io/gEzQ-gEIS1Gt-e61TmVMQg) COSCUP 2021 臺灣語言x維基媒體 7/31 台灣維基協會 陳瑞霖 Note: 逐家好，我是陳瑞霖，是 OpenStreetMap 佮 Wikidata 社群的參與者， 今仔日ê題目sī「台灣話觀點ê閩南語維基百科-應該欲按怎做較好」 紹介台灣話欲按怎佇線頂的百科全書來書寫臺灣話 --- ## 我是啥人? - Supaplex - OpenStreetMap :heart: Wikidata :heart: - Wikimedia Taiwan :cat: Note: 阮網路上ê名號sī Supaplex，這馬 tī OpenStreetMap kah Wikidata 社群走傱 mā-sī 台灣維基協會ê理事 --- ## 台語腔口差 * 近溪炊魚 * 雞排，豬跤，皮鞋 (ue/e, i/u) * 抓耙仔，二九暝，無暝無日 (l, j) * 七月初七，鍋仔，生鍋 (e, ue) * 臺大病院 (第五調 ê 變調) Note: 繼續講進前來紹介無仝所在ê腔口差 第一逝 tse 四字欲按怎讀?我台北人 sī 唸 kūn khue tshe hû，南部 tsit-má ê 普通腔，漳州腔sī唸 kīn khe tshue hî，我其中一爿的祖先sī安溪來的，是唸 kīrn khere tsher hîr 第二逝我唸 kue-pâi tu-kha 佮 phê-uê 第三逝sī liàu-pê-á/jiàu-pê-á, lī-káu-mî, bô-mî-bô-li̍t 第四逝 sī tshit-ge̍h tshe-tshit,e-á, sinn-e 第五逝sī第五調的變調，tai3-tai7 pinn3-inn7 5 變 3，普通腔是 tai7-tai7 penn3-inn7 5 變 7 ---- ## 用詞差別 * 讀書 vs 讀冊 * 灌腸 vs 煙腸 * thoo33-ma55-tooh3 vs 臭柿仔　vs 柑仔蜜 Note: tha̍k-tsu tha̍k-tsheh kuàn-tshiâng iân-tshiân thoo33-ma55-tooh3 ê 無仝用詞 tshàu-khī-á, kam-á-bi̍t ---- ## 台語特殊腔口 * 猶有宜蘭腔，鹿港腔，永靖腔等等 * mā-hōo 欲書面化ê台語一寡挑戰 * 欲iōng佗一个腔口來書面化 Note: 宜蘭腔tsiah-puīnn phè lōo-nuī, lo̍k-ka̋ng-á Éng-tsēng 老泉腔 ê 安溪話 an-kere 書面化ê挑戰真大 佗一个腔口來書面化? --- ## 臺灣話 kah 臺灣閩南語 * 官方名稱：臺灣閩南語(Tâi-uân Bân-lâm-gú/Tâi-uân Bân-lâm-gí/Tâi-uân Bân-lâm-gír) * 歷史上ê 名稱：臺灣話，臺語 * 新ê官方名稱：臺灣臺語 * 東南亞：Hokkian/Hokkien/福建話 * 菲律賓：咱人話/咱儂話 * 客家人ê稱呼：鶴老話 Note: 追求台灣主體性ê人無愛閩南語這个名號，毋過這sī目前ê官方名號 歷史上有人講叫做臺灣話，台語 官方ū拍算欲改做台灣台語這个名 福建話(Hok-kiàn-uē),sī 自稱 mā-ū 別人 hōo-ê 稱呼 mā-ū 對家己 ê 角度 ê 稱呼 ê 咱人話 ---- ## 台灣話 ê 定位-青盲摸象  <a href="https://commons.wikimedia.org/wiki/File:Illustrated_proverb-_Blind_men_and_an_elephant.jpg">Pawyi Lee</a>, Public domain, via Wikimedia Commons Note: 逐家lóng知影青盲摸象ê故事，台灣話mā-ū相𫝛ê狀況，有人講台灣話sī古早ê漢語，嘛有人講幾若代 ê 官方 sī講台語 ê 敢有影？ ---- ## 台灣話 ê 定位-濟來源 * ū 上古漢語ê詞-鼎 * ū 文讀系統-真濟中古漢語ê詞-劍(kiàm)、箭(tsìnn)ê分別，念唐詩較合韻(相對華語) * 南方族群百越-狀侗語族ê底層-虼蚻、狗蟻、風颱 * 和製漢字，日文來ê詞-thôo-má-toh Note: 實際上 ê 狀況sī臺灣話ū真濟來源，無遐古早，差不多唐朝時形成 ê 臺灣話 ū 上古漢語ê古早時字，譬如講鼎 中古漢語影響臺灣話ê文讀音，所以唸唐詩較合韻 ū一寡字華語變走音ah，但是tī-teh臺語猶是照中古音 mā-ū 百越ê影響，台灣話ê底層詞，會當tuì虼蚻, 狗蟻 ka 起頭ê詞，sī 非漢語ê 風颱這个詞相對華語 sī 倒反(tò-píng) ê ---- ## 拚音ia̍h-sī文字？ * 台羅ê定位：教學時陣來標示拚音 * POJ：文字 * 系出同源 * 漢字 vs 拚音 ** 逐家lóng捌漢字, POJ愛開時間來學 ** 拼音文字毋免煩惱發音問題 ** 這爿無討論寫拼音kah漢字背後ê意圖, 政治主張 Note: 臺羅、POJ各有各ê好處 寫臺語sī iōng 拼音抑是漢字，牽涉tio̍h家己本身按怎看待台語，sī誠複雜ê政治問題 ---- ## 教育部正字書寫選擇吵規晡 * 教育體系ê力量 * 學校 ê 台語老師 ** 補充教師kah台語正式教師 * 有學理上會當討論 ê 空間 * 至少 sī khah-ū 力量 * 問題： ** 連音字 ** 非漢語來源ê字得用訓讀，bah, bô hit/he tsit/tse, lâng, ê etc. Note: 教育部ê推薦(thui-tsiàn)用字，愈來愈濟人學 學校台語正式教師ài大學相關科系(台文系)畢業，整體力量sī上大ê 毋過ū一寡用字學理上會當討論，有時ū爭議(tsing-gī) 連音字ê問題，非漢語來源欲iōng訓讀處理 親像 bah, bô, 代名詞 hit/he tsit/tse, lâng, ê ---- ## 台灣閩南語常用詞辭典 * 教典，[教育部辭典](https://twblg.dict.edu.tw/holodict_new/) * 目前收上濟台語的辭典 * 附錄有地號名的整理 * 有一寡常用詞無收，例：推捒 * 傷偏漳州腔 * 應該愛揣泉州腔的人來錄音 * 衍生ê[萌典](https://www.moedict.tw/'%E6%B5%AE%E5%86%87),無收詳細ê方音差 Note: 台灣閩南語常用詞辭典簡稱sī教典，教育部辭典 收上濟ê台語辭典 附錄mā誠方便，ū收地名，身體部位ê名稱 偏漳州腔，只有漳州腔ê錄音，應該ài學習客語辭典，揣無仝腔口ê人來錄 萌典sī手機仔上方便ê辭典app，毋過無收祥細各地頭ê方音差 --- ## 維基頂懸 kah 臺灣話相關ê計劃 * [閩南語維基百科](https://nan.wikipedia.org/) * [維基辭典](https://www.wiktionary.org/) ** [英文維基辭典](https://en.wiktionary.org/wiki/Wiktionary:Main_Page) ** [中文維基辭典](https://zh.wiktionary.org/zh-hant/Wiktionary:%E9%A6%96%E9%A1%B5) ** [閩南語維基辭典](https://zh-min-nan.wiktionary.org/wiki/Th%C3%A2u-ia%CC%8Dh) * [維基數據](https://wikidata.org) ** [辭條](https://www.wikidata.org/wiki/Wikidata:Lexicographical_data) Note: 辭典無夠好，網路頂揣人來同齊(tâng-tsê)來編寫 ū閩南語維基百科，維基辭典，猶有新興ê維基數據(sòo-kù)mā會當寫辭條 ---- ## 是按怎bô臺灣話維基百科 * 臺灣臺語 kah ISO 639-3 ê 問題，敢有可能有臺灣話 ê Wikipedia? * 關心ê臺灣人愛了解規則，愛家己tī-teh國際來爭取 * 家己mā ài ū共識 * 相𫝛無仝ê代碼例： ** 塞爾維亞語(srp)/克羅埃西亞語(hrv) ** 馬來西亞語(ms)/印尼語(id) Note: Ū真濟人無愛閩南語這个名號，就無愛插閩南語維基百科。這sī因為臺灣話sī無獨立ê ISO 639-3 ê 代碼 對語言學ê角度來講，ū兩組語言，Serbian/Croatia、Bahasa Melayu/Bahasa Indonesia sī真相𫝛，毋過 ū 無仝 ê 代碼，受著政治邊界 ê 影響 ---- ## 閩南語維基百科 * 白話字為主，排斥漢字(教會ê人) * 小數 ū 漢字版本 ** 毋過視作過度ê，態度上sī ài學習白話字來寫 * ū台語人無遐熟白話字所以無啥人來寫 * 社群無活力，無綴著最近ê台語復興風潮 Note: 閩南語維基百科白話字為主，hōo人講排斥(pâi-thik)漢字，所以漢字ê內容真少 𪜶認為用白話字來寫較著，所以造成無人來寫，社群無活力(ua̍h-li̍k) ---- ## 閩南語維基百科 [Tâi-tang-koān](https://nan.wikipedia.org/wiki/T%C3%A2i-tang-ko%C4%81n) án-ni niā-niā  Note: ISO-639-3 hōo 閩南語 ū 獨立 ê 代碼sī teh 閩南語維基百科成立後tsiah-ū ê，所以後來 ū 對nan轉址到 zh-min-nan 社群 bô 活力，kah台灣相關ê條目，親像臺東縣無啥人tī-teh寫，敢若 ū 底下 ê 鄉鎮市 ê 連結 --- ## POJ kah 漢字共存ê可能-永久重覆項 * 客家話、閩東話有buē-tsio漢字kah POJ ê 條目 * 予講仝一件代誌無仝ê書寫方式會當tī Wikidata 連結 Note: 因為長江南爿 ê 漢語族語言，比如講吳語、閩東話、客家話 ū 真深 ê 羅馬字拼寫傳統，佮官話系統音差真濟，所以仝款ê內容(luē-iông)，ū 兩種無仝寫法ê頁面 tī Wikidata 遮就 hōo 其中一頁指定sī永久重覆頁面來處理，白話字kah漢字版本之間 iōng 永久重複項連結 ---- ## Wikidata 頁面 [中華民國永久重覆頁面](https://www.wikidata.org/wiki/Q22337467)  Note: 來看覓咱國中華民國ê永久重複頁面，ū客家話，閩東話，kah印度遐ê語言，假使講有人建閩南語維基ê條目mā會當連過來 --- ## 客語大茅埔ê推廣  Note: 客家語資源濟，毋但客委會，猶閣 ū 客傳會ê資源，雖然佇民間 ê 活力客家話無蓋好，毋過至少 ū 官方ê資源入來 甚至投入資源 tī COSCUP ---- ## 台灣南島語族ê維基百科 * 撒奇萊雅族語 ** 原先 tī ISO-639-3 代碼 sī ais ** hōo視為阿美語變體，毋過並毋是 ** 申請新代碼szy * 台灣維基協會鬥相共 * 泰雅語 tay * 太魯閣語/賽德克語 trv Note: 這幾年台灣維基協會幫贊三个原住民南島語言泰雅語(Atayal)、太魯閣語(Truku)、撒奇萊雅語(Sakizaya)成立維基百科 其中猶閣發見撒奇萊雅語(Sakizaya)ê iso-639-3 創毋著，所以新申請代碼 szy ---- ## 泰雅語、賽德克語維基百科上線 [「族語維基集向國際」 泰雅語與賽德克語正式列入維基百科語言列](https://epaper.edu.tw/topical.aspx?period_num=969&topical_sn=1196&page=0)  Note: 台灣維基協會 ū 原住民語，ū 客家話ê計畫，無臺灣話ê計畫 真可惜協會 ê 成員無法度為家己 ê 母語來做代誌，攏是原住民，客家話 ū 資源創一寡代誌 --- ## 維基辭條 * 真濟內容對教育部辭典來ê * 英文維基辭典收較濟資料 Note: 真濟內容對教育部辭典來ê 英文維基辭典收上濟資料 --- ## Wikidata 標籤(label) 敘述(Description) 母語名稱([P1705](https://www.wikidata.org/wiki/Property:P1705)) 官方名稱([P1448](https://www.wikidata.org/wiki/Property:P1448)) Note: Wikidata 遮會當寫台語ê欄位(lân-uī)：標籤，描述，母語名稱，官方名稱 --- ## 教育部本土語言標示計劃 * [教育部以本土語言標注臺灣地名計畫](https://language.moe.gov.tw/001/Upload/Files/site_content/M0001/mhigeonames/twplacename.html) * 森林公園站(Som-lîm Kong-hn̂g tsām)  Note: 雖然官方予台灣話的資源無濟，但是猶是有做一寡代誌 教育部以本土語言標注臺灣地名計畫這个計畫， ū 處理台中遐在地 ê 森林公園 ê 森(som) ê 唸法 ---- ## 地號名資料庫 * [地名資訊服務網](http://gn.geog.ntu.edu.tw/GeoNames/index.aspx)-臺大地理系管理ê * 內政部ê系統 * 有一寡地號名ū發音 Note: 內政部ê地號名系統-地名資訊服務網，目前𪜶sī委託臺大地理系來維護，sī官方目前收錄上濟ê系統 ---- ## 地號名資料庫 * [深坑](http://gn.geog.ntu.edu.tw/GeoNames/GNMap/GeoNamesSearchPrint.aspx?ID=1000118-001)  Note: 內政部地名系統ū收一寡地號名ū發音，親像地名深坑(tshim-khinn) tō-ū ah，照在地安溪人ê發音唸 ---- ## Wikidata 辭條 [Wikidata辭條：箸](https://www.wikidata.org/wiki/Lexeme:L305178)  Note: Wikidataê辭條sī新ê物件，收語言資料 毋但主流ê語言，mā會當收小數語言 ---- ## Wikidata 辭條 意義 kah 翻譯  Note: 辭條會當寫字詞ê意義，猶閣ū翻譯，翻譯會當連到別ê語言ê辭條 ---- ## Wikidata 辭條 ū 各種方音變體 ê 處理方式  Note: 收無仝所在ê方音變體，台灣較ū聽著ê漳州腔，泉州腔，猶有鹿港仔腔(lo̍k-ka̋ng-á)，安溪話，宜蘭腔，永靖腔(eng-tseng) ---- ## Wikidata 辭條 例句  Note: mā-ū收例句，主要iōng漢字kah羅馬字 ---- ## Wikidata ê優點 * 跨語言，會當直接對英文ê資料 ** 擺脫台語倚佇華語底下ê情形 ** 國際接軌 * 會當寫bô-kâng ê書寫方式 * 連接資料 (Linked Data) Note: Wikidata親像in-ê兄弟維基百科，Wikidata sī國際化ê，所以mā會當直接連結外國語言 你無滿意當前ê書寫方式，mā會當照這種書寫方式來累積(luí-tsik)資料 愛注意ū可能無啥人bueh照你ê書寫方式來參與，你家己ài出較濟力 上重要 ê 一部份 sī 遮 ê 資料 sī Linked Data --- ## 姊妹仔計畫ê狀況 * OpenStreetMap ū 收 name:nan * Wikidata 有人寫台語的說明文件 * OpenStreetMap 嘛有人寫台語的文件 * Wikidata ū Label_nan，mā-ū 辭條 * 閩南語維基百科停滯不前 Note: 姊妹計畫ê狀況 sī ū 真濟計畫愈來愈重視本土語言，除了國際上時行ê語言，本地ê官方語言以外，在庄ê語言 mā ū 收錄 舉一个例，線頂共編 ê OpenStreetMap ū 收袂少 ê 台語地號名，相對之下閩南語維基百科無啥動能 ---- ## OSM 台語標示 [Overpass 檢索](https://overpass-turbo.eu/s/19i0)  Note: 咱親身看覓OpenStreetMap遮 用Overpass API來搜查(soo-tsa)，大臺北尤其中永和ū真濟小地名，sī參照地方誌來標示。除了客家區，原住民區以外，真濟在庄小地名來源 sī 台語 ---- ## Wikimedia Map [Wikimedia Map lang label nan](https://maps.wikimedia.org/?lang=nan#7/24.722/117.806) OpenStreetMap ê 資料 [台文漢字](https://maps.wikimedia.org/?lang=nan-Hant#16/24.9725/121.5437)、[台羅](https://maps.wikimedia.org/?lang=nan-Latn-tailo#16/24.9725/121.5437)  Note: 維基基金會 ê 地圖 Wikimedia Map，mā會當改代碼來即時變成你想欲 ê 語言，nan sī 代表閩南話，改做nan-TL變成台羅標示，tī OpenStreetMap 遐ū資料ê攏會使顯示 ---- ## Taigi 地圖 [Taigi地圖](https://protomaps.com/lab/taigi/#11.93/24.74992/121.06907) OpenStreetMap name:nan tag  Note: 今仔日有演講 ê Brandon sī地圖專家，hōo足濟人講ài來做台語地圖 伊 ê 地圖 mā-sī顯示 OpenStreetMap ū ê name:nan 標示地號名 --- ## 閩南語維基百科ê計畫 * 寫，毋管sīPOJ ia̍h-sī漢字攏來 * 漢字用教育部[規範漢字](https://zh.wikipedia.org/zh-tw/%E8%87%BA%E7%81%A3%E9%96%A9%E5%8D%97%E8%AA%9E%E6%8E%A8%E8%96%A6%E7%94%A8%E5%AD%97) * 漢字-POJ版本佇Wikidata用永久重複項處理 * Wiki Commons [收錄音](https://commons.wikimedia.org/wiki/Category:Audio_files_in_Taiwanese)，寫台語ê說明 * [POJ infobox](https://zh.wikipedia.org/wiki/Template:Infobox_Hokkien_name) 截取，搬到 Wikidata tsit-pîng Note: 講遐濟，我認為你真真正正關心台語，mā-ài開一寡時間貢獻台語ê書面化，會當貢獻tī線頂資料庫 趁著教育界統一用規範字，來閩南語維基百科用規範字來寫漢文版本 進前講過 Wikidata 遐會當處理漢字-POJ ê資料連結問題 ū錄音抑是程式ê能力，mā會當透過聲音kah資料處理來貢獻 --- ## 閩南語維基百科ê計畫 * 閩南語維基百科大量建漢字版本 * 縣市、行政區條目進行 * 國家公園 * 高速公路 * 歷任總統 * Wikidata建永久重覆項 Note: 所以 ài tī 閩南語維基百科遐建立基礎，kā基礎ê資料建漢文版本，親像縣市行政區 國家公園，高速公路，歷史上ê總統 mā-ài建 Wikidata ê永久重複項hōo程式了解 in ê關係 --- ## 無組織ê台語 * 原住民族語有學術機關的資源，相比之下台語無組織(較細)來推動 * ū 倡議組織 * 書面數位化欠人做 * 無死 sī 因為 sī 上濟人母語，基礎厚 * ū 人講愛 ū 台語委員會 Note: 看著原住民語kah客家話，雖然人口少但是ū組織(tsoo-tsit)，ū一定ê發展 對比台語，ū倡議(tshiong-gī)組織真濟，猶毋過欠缺(khiàm-khueh)書面ê數位化，毋免講Wikidata kah OpenStreetMap 遮資料ê貢獻kah維護 台語無遐慘sī因為人口濟，基礎厚niā-niā，長期sī無受著重視 ---- ## 台語腔口差 ê 處理 * 參與者寫啥件就收 * 讀音的差異、字辭的差異 * 透過轉換系統來處理無仝的腔口差 * [中文維基百科的繁簡地區詞轉換系統](https://zh.wikipedia.org/wiki/Wikipedia:%E5%AD%97%E8%A9%9E%E8%BD%89%E6%8F%9B%E8%99%95%E7%90%86) Note: 中文維基百科已經ū運作誠久ê轉換系統，處理ū規則ê kah 特殊 ê 地區用詞lóng會使 ---- ## 轉換系統ê運作方式 * 有人建對應轉換詞/腔口對照 * 手工單一ê條目ê轉換  Note: 運作ê方式sī án-ni，ài先建腔口ê對照表，猶有用詞對照表 ---- ## 倡議之外多多來寫 * ISO-639-3 爭取新代碼，閣來成立台語ê百科 * ū學術ê討論，才會當當做來源文獻寫百科 * 來寫閩南語維基百科 * 來寫維基辭典 * 來寫Wikidata辭條 Note: 爭取ISO-693-3新代碼 學術ê成果hōo維基百科來當做文獻 ài-ū 人線頂協作參與共編ê計畫，多多來寫，寫啥物，來寫維基百科，維基辭典，Wikidata --- ## OSM x Wikidata 月聚 * 8/9 19:30 @摩茲工寮 * Facebook [OpenStreetMap台灣](https://www.facebook.com/groups/OpenStreetMap.TW/) Note: 工商服務時間， 8月初9希望解封，防疫第二級會當佇 Moz 工寮聚會，毋過無法度就繼續線頂虛擬(hi-gí)聚會(tsū-huē) --- ## 謝謝! :sheep: Q&A: [Sli.do #655 632](https://wall.sli.do/event/psmfh4pl) 你會當佇紲來ê管道揣著我 - [GitHub](https://github.com/Supaplextw/)、[Wikidata](https://wikidata.org/wiki/User:Supaplex)、[OpenStreetMap](https://www.openstreetmap.org/user/Supaplex) - 或是 [email](mailto:dennis@wikimedia.tw) 我 - 臉書 [Wikidata Taiwan](https://www.facebook.com/groups/2212207218990971/)、[OpenStreetMap台灣](https://www.facebook.com/groups/OpenStreetMap.TW/) Note: 提供聯絡訊，歡迎來揣我