# SICP (chiām) Kiōng-tông pit-kì / SICP 臺語化小組（暫）共同筆記

## Kiâⁿ-chò kui-tēng/ 行做規定 / Code of Conduct

Kong-pò-ji̍t / 公佈日：2024-12-03
### Lô-má-jī pán
1. (Tēng-gī) pún kui-teng sú-iōng ê "Tâi-gí"(-gú, etc), chí gí-giân-ha̍k-tek, tùi Hok-kiàn Chiang-chiu, Choân-chiu, kap Ē-mn̂g ìn-ji̍p Tâi-oân liáu-āu ián-piān ê gí-giân.
2. (Khiuⁿ-kháu) hoan-gêng sú-ēng Tâi-gí bó-gú iōng-chiá ê ta̍k-chióng khiuⁿ-kháu, chí-iàu jī-tián (Kàu-io̍k-pō͘, Kam Uî-lîm, Tâi-ji̍t, Lūi-im Pó-kàm téng) ū kì-chài chiū ē-sái.
3. (Su-siá hong-àn): Ùi kiam-kò͘ chāi-lâi-gí (hām Pek-oa̍t-gí) kap Hàn-jī bûn-giân-im sû ê piān-pia̍t, sú-iōng Hàn-Lô sio-lām, sio-lám thêng-tō͘ iok-lio̍k tī Hàn-jī pí-lu̍t 15%~85%.
1. Koàn-sì Lô-má-jī ê, kiàn-gī kā bûn-giân-im sû siá-chò Tâi-oân Hàn-jī (Lē: si̍t-bu̍t, Oa̍t-gí, hun-ûi, táⁿ-chò siá-chò: 植物、粵語、氛圍、打造)
2. Koàn-sì Hàn-jī ê, chiáⁿ kā pún-jī ū cheng-gī ê sû (chāi-lâi-gí kap pek-oa̍t-gí tiāⁿ-tiāⁿ-ū) kap gōa-lâi-gí siá-chò Lô-má-jī. Lē:
1. Liōng-sû: ê
2. Só͘-iú-keh chō͘-sû ê
3. Tāi-sû: siáⁿ-mih
4. Kái-sû: kàu
5. ch- khí-thâu ê chí-sī-sû (chi̍t, che, chiah-ê, chia téng)
6. h- khí-thâu ê chí-sī-sû (hi̍t, he, hiah-ê, hia téng)
7. Kim-sio̍k: Á-lú-mih

4. (Lô-má-jī keh-sek) Sú-iōng ē-kha jīm-hô chi̍t-ê Lô-má-hòa:
1. Kàu-hōe Pe̍h-ōe-jī
2. Kàu-io̍k-pō͘ Tâi-lô hong-àn
5. (Kím-chí hêng-uî) Uī-tio̍h chun-tiōng hoan-e̍k-chiá ê chū-iû, bōe-tàng ū ē-kha chhiú-tōng (á-sī ēng têng-sek) kái-piàn ê hêng-ûi:
1. Hàn-jī siá-hoat kàu Lô-má-jī siá-hoat (á-sī tò-hoán)
2. Chi̍t khoán khiuⁿ-kháu kàu pa̍t khoán khiuⁿ-kháu
3. Chi̍t khoán Lô-má-jī hong-àn kàu pa̍t khoán Lô-má-jī hong-àn
6. (Kî-thaⁿ) Chhiáⁿ chun-tiōng ta̍k khoán séng/pia̍t, sèng-kheng-hiòng, sèng-pia̍t jīn-tông, bîn-chok, sin-sim chiòng-gāi téng ê chham-ú-chiá.
7. Pún kui-tēng tùi kong-pò͘-ji̍t (hâm hit-ji̍t) khí tē saⁿ ji̍t si-hêng.

### 漢字版
1. （定義）本規定使用个「臺語」，指語言學的，對福建漳州、泉州佮廈門引入臺灣了後演變个語言。
2. （腔口）歡迎使用臺語母語用者个逐種腔口，只要字典（教育部、甘為霖、臺日、彙音寶鑒等）有記載，就會使。
3. （書寫方案）為兼顧在來語（和百越語）kap漢字文言音詞个辨別，使用漢羅相濫，相濫程度約略佇漢字比率15%~85%。
1. 慣勢羅馬字个，建議共文言音詞寫做臺灣漢字（例： si̍t-bu̍t, Oa̍t-gí, hun-ûi, táⁿ-chò寫做植物、粵語、氛圍、打造）
2. 慣勢漢字个，請共本字有爭議个詞（在來語佮百越語定定有）佮外來語寫做羅馬字。例：
1. 量詞ê
2. 所有格助詞ê
3. 代詞siáⁿ-mih
4. 介詞kàu
5. ch-起頭个指示詞（chi̍t, che, chiah-ê, chia等）
6. h-起頭个指示詞（hi̍t, he, hiah-ê, hia等）
7. 金屬Á-lú-mih
4. （羅馬字格式）使用下跤任何一个羅馬化：
1. 教會白話字
2. 教育部臺羅方案
5. （禁止行為）為著尊重翻譯者自由，袂當有下跤手動（抑是用程式）改變个行為：
1. 漢字寫法到羅馬字寫法（抑是倒反）
2. 一款腔口到別款腔口
3. 一款羅馬字方案到別款羅馬字方案
6. （其他）請尊重逐款性／別、性傾向、性別認同、民族、身心障礙等个參與者。
7. （公佈日）本規定對公佈日起（含彼日）第三日施行

# Su̍t-gí lia̍t-toaⁿ 術語列單
有問題請佇下底討論：

| Lô-má-jī | 漢字 | Eng-gí 英語 | Koaⁿ-ōe 官話 |
| -------- | -------- | -------- |-------- |
| Text | Text | Text |Text |

# Iông-sû thó-lūn 用詞討論