Göldin & Bit-Tuner: Lyrics

Quelle für Lyrics, wenn nicht anders angegeben: https://wwwwwwwwwwwwwwwwwwwwww.bitnik.org/schiiwerfer/1/

Danke für die Idee!

Bis as End (Transkription PhW)

baby ich weiss
mir hend e scheiss zit gha
doch baby mit dir
gängt ich immer witer
und bis as end
was das au heisst
ich ränn im chreis
vor freud wenn's dir guet gaht

wieso isch mis läbe nöd au
ei gradi linie
wieso mach ich alles kaputt
wenn ich churz vor em zil bin
jetzt isch alles im arsch
ich chotz vom balkon übers gländer
du bisch uf und devo
und ich chotz immer witer

i minere chline welt
läbt jetzt niemert meh
d fänschter verchläbt
dass niemert mich gseht
säg mir ich han chette graucht
han en riesige schade baut
du bisch zu mir id tüfi taucht
und hesch mich zrug an land zoge

und bis as end
was das au heisst
ich ränn im chreis
vor freud wenn's dir guet gaht
und bis as end
was das au heisst
ich ränn im chreis
vor freud wenn's dir guet gaht
und bis as end
was das au heisst
ich ränn im chreis
vor freud wenn's dir guet gaht
und bis as end
was das au heisst
ich ränn im chreis
vor freud wenn's dir guet gaht
und bis as end
was das au heisst
ich ränn im chreis
vor freud wenn's dir guet gaht
und bis as end
was das au heisst
ich ränn im chreis
vor freud wenn's dir guet gaht
und bis as end

Unter Null

gspür mis gsicht nüme
was rauched mir eigentlich?
mini emotione
versteinert
mir mached liebi
atemberaubt alles taub
xanax geg dä schmerz, e linie zum zmorge
dsunne schient dur d vorhäng
du muesch los a d uni
ich muess bloss es bitzli…
benzo general, flach ufem sofa
online overdose vu mittelmeer katastrophene
imne zitloch, nächt verflüged
freaks ufem sofa, wänd verbüged
bin ich das
oder isch das de himmel wo pink isch?
bin ich das
oder isch das d welt wo versinkt?
99 problem, all gange mit eim valium
kompletti begradigung, permanents stadium
ufem taxi-rücksitz, z spot zum umtrülle
im spiegel nur zwei blassi gsichter
hinder sunnebrülle
ufem spiegel all diä möglichkeite is wunderland
mir wo immer meh bruched
geg diä wo im meer versufed
tauch ab im aargau, bi irgendere barfrau
tauch uf in interlake, bi irgendeme hungerhaagge
kei ahnig wie die frau heisst
ehrlich gseit han i woni ufgwacht bin
nöd mal gwüsst wien ich selber heiss
min agent reagiert nüme uf telefon
min verlag het mich usegschmisse
nach de letschte lesetour
irgendöppis mit de assistentin
isch schiefgange
irgendöppis mit de spese
isch schiefgange
s rock n roll klischee haltet mich im würgegriff
bin ich das
oder rüttlet würklich öpper am türgriff?
duregheit
verstand lahm gleit
welt usenand gheit mitte i dä stammbeiz
vegane kebab a dä langstrass
zugentrifiziert läbe im schwitzchaste
duregheit
verstand lahm gleit
welt usenand gheit mitte i dä stammbeiz
vegane kebab a dä langstrass
zugentrifiziert läbe im schwitzchaste
s telefon weckt mi, ä frau vu dä versicherig
wott wüsse
ob ich mir mit mim agebot no sicher bi
so es bitzli haftpflicht chönt nöd schade
ghör ich mich brabble, de chopf igschlage im strassegrabe
en summer utopie und 40 johr leerlauf
züri brennt nüme
züri verchauft jetzt biofleisch
mir sitzed um dä tisch
und blättered i schön gstaltete büecher
wo ois a d revolution erinneret
du streichlisch mini hand und flüschterisch mer is ohr
schatz du musch kei angst me ha, mir hend aläs verlore
dusse brüllt eine, d niederlag nöd anerkennend:
«wenns nach mir gängd chöntsch
di ganz rot fabrik abebrenne»
mir applaudiered mit oisne champagnergläser
und lehned ois zruggg
und schlafed zwei wuche am stuck
bis dä rege di ganz stadt wegschwemmt het
ich spür mis gsicht nüme
was rauched mir eigentlich?
duregheit
verstand lahm gleit
welt usenand gheit mitte i dä stammbeiz
vegane kebab a dä langstrass
zugentrifiziert läbe im schwitzchaste
duregheit
verstand lahm gleit
welt usenand gheit mitte i dä stammbeiz
vegane kebab a dä langstrass
zugentrifiziert läbe im schwitzchaste
uf twitter und facebook stoht
dass meine stadt in flammen steht
kids mit kalaschnikows
kamikaze molotow

Liebi i Ziite vom kommende Ufstand

ich chönt dä ganz tag mit dir ufem sofa sitze
western luege, explodiert usruebe
lueged usem fenster, rauch stiegt i d wulche
ich lueg dir i d auge
isch es das was mir gsuecht hend?

d stadt wo mir lebed, e gated community
de horror usem fernseh, achoh i de schwiz
und d s bahn linie sind jetzt immer
agnehm leer, denn sit de nagelbombe aschläg
fahrt jo keine meh

defür sind clubs voller schwitzender mensche
kathedrale im finstere mit usgstreckte händ
wo söll das alles ende
hend studiert und hend en master
s end vu dä karriereleitere, callcenterberater

hüt sind d parks leer
demo a dä langstrass
du gsesch schön us wie du nebed mir
im nasse gras schlofsch
all die chline träum, auto ferie usland
alles vergoht im kommende ufstand
aläs verlöscht verwelkt vergoht
verzischt verbrennt verflügt versenkt
versiegt verlöscht verwelkt vergoht
liebi i zite vum kommende ufstand
aläs verlöscht verwelkt vergoht
verzischt verbrennt verflügt versenkt
versiegt verlöscht verwelkt vergoht
liebi i zite vum kommende ufstand
liebi i zite vum kommende ufstand

wird wohl nüt meh, mit de ferie im usland
europa zerbricht
d grenze sind dicht
i de bucht wo mir sünneled
wird es lager errichtet
omonia griecheland lueg nöd so trurig
was us ois wird? ich weiss es doch au nöd
doch wer wenn nöd mir, het es für entfacht
bahnhofstrass paradeplatz
alles brennt ab

jetzt lueg i d wulche
de summer chunt nöcher
ich blend en us, de wasserwerfer
ghör nöd de lärm, d sirene vu de streife
s quitsche vu dä reife, junkies wo keifed
schlange vorem amt
heb dini hand, ganz eifach
sölls doch brenne
das bitzli heimat
fläsche, stei, flamme, fustkampf
liebi i zite vum kommende ufstand
aläs verlöscht verwelkt vergoht
verzischt verbrennt verflügt versenkt
versiegt verlöscht verwelkt vergoht
liebi i zite vum kommende ufstand
aläs verlöscht verwelkt vergoht
verzischt verbrennt verflügt versenkt
versiegt verlöscht verwelkt vergoht
liebi i zite vum kommende ufstand

Ghost Town

innercitykids mit shirts vu fuessballclubs
gend sich am quartierfest uf d kappe druf
das isch aläs was bliebe isch
eine rüeft, diä kids sind nöd zimperlich
eine liet abgestoche im taxi dine
bluet vermischt sich i dä regerinne
und diä welt, sie wird immer schräger
en friedhof für all wo das nüme erträged

innercitykids ohni eigene platz
wanked dur d nacht vu dere geisterstadt
und sueched sich irgendeine us
und pusted dem chline ficker d liechter us

this town
is coming like a ghost town
this town
is coming like a ghost town

vill sind schnell cho, und no schneller wieder gange
morn bisch wieder ällei dehei
mit geister us dä vergangeheit
und eme bier und ere chline wohnig
will det wo ufgwachse bisch, jetzt nur no richi wohned
i luftschutzbunker mit chronlüchter
wo i dä ganze innestadt emporschüssed
fahred mit skateboards über leeri plätz
dur quartier wo i hochhüser kei liechter lüchted
innercitykids i schrotthüser
hinder zogne vorhäng und holzriegel
fahred sich i de gsüberete stadt
zmizt ine, tagelang
trips ine

this town
is coming like a ghost town
this town
is coming like a ghost town

dis läbe wird under d lupe gnoh
dis läbe isch jetzt en supermarkt
dä polizeichef dä sachverwalter
weiblet di poliert stadt suber z bahlte
en friedhof für all wo das nüme erträged
zum bispiel, dass di riche
immer richer werded
es läbe lang ufs falsche pferd gsetzt
mach dä champagner uf
und spring zum fenster us
di ganz wohnig verfärbt sich neonschwarz
di ganz stadt isch jetzt en themepark
s thema heisst diä ganz stadt uszverchaufe
bis mer alli es ticket bruched zum drin umelaufe

this town
is coming like a ghost town
this town
is coming like a ghost town
innercitykids mit kanister voller benzin
falled id stadt i