## OpenStreetMap 佮 Wikidata，敢會當整理台灣所有溪流資料 COSCUP 2021 開放內容議程軌 7/31 台灣維基協會 陳瑞霖 <!-- Put the link to this slide here so people can follow --> slide: [https://hackmd.io/84wLiKz-TpCrm3sd65bo-Q](https://hackmd.io/d017K1UJTai0QR7s8Jr2bw)  Note: 逐家好，我是陳瑞霖，是OpenStreetMap 佮 Wikidata 社群的參與者，今仔日紹介欲按怎用 OpenStreetMap 佮 Wikidata，共台灣溪流資料整理好勢 --- ## 我是啥人? - Supaplex - OpenStreetMap :heart: Wikidata :heart: - Wikimedia Taiwan :cat: Note: 線頂活動的名號是 Supaplex，是台灣維基協會的理事，參與台灣OpenStreetMap 佮 Wikidata的社群 --- ## 台語腔口差 * 近溪炊魚 * 雞排，豬跤，皮鞋 * 臺大病院 * 個人較倚泉州話的同安腔 Note: 代先來紹介台灣的腔口，第一逝這四字欲按怎讀?我台北人是唸 kūn khue tshe hû，南部這馬的普通腔，漳州腔是唸 kīn khe tshue hî，我其中一爿的祖先是安溪來的，是唸 kīrn khere tsher hîr 第二逝食的物件佮日用品我唸 kue-pâi 佮 tu-kha 第三是第五調的變調，tâi-tāi pīnn-īnn 5 變 3，普通腔是 tâi-tāi pēnn-īnn 5 變 7 --- ## 溪流的語言 * 台語的水體用詞：江，溪(khue，khe，khere)，港，溝，坑(khinn/khenn) * 河是受著華語影響的詞：基隆河，淡水河 * 上古漢語***水***是溪流的意思，甚至水是專門講***黃河***，例：漢水、渭水、漳水 * 江可能是對南亞語系來的，例：湄公河(Mekong)，後尾的河是傳到漢語區加添的後綴 Note: 閣來講溪流的語言 台語遮時常看著江，溪(khue，khe，khere)，溝，坑(khinn/khenn) 這馬逐家知影的河，是受著華語影響來的：雞籠河，淡水河 古早時代的上古漢語***水***是溪流的意思，甚至上早是專門講***黃河***的，後來變成溪流的通稱，舉一个例：漢水，渭水(uī-tsuí)，河伯獻祭的漳水 江這字可能是對南亞語系來的，舉例：湄公河(Mekong),後尾的河是傳到漢語區加添的後綴(āu-tuat) ---- ## 溪流的語言 * 港墘，埤 * 溪流：khue-lâu, khue-liû * 地號名：碧潭、溪洲(四界攏有)、深坑、平溪、大坑、小坑、坑口、溪湖、溪頭、雙溪口、鹿角坑、潭仔墘、楠仔坑、三角湧、五叉水路、五股坑、水堀頭、和尚洲、礁溪、靈潭陂 * 溪流：頭前溪，濁水(lô-tsuí)溪，清水溪，淡江，中港(中港溪)，南勢溪，北勢溪 Note: 咱轉阮較熟的台灣，來看覓台灣佮水有關係的名號，臺北有港墘站，意思是溪岸。 溪流嘛有唸做khue-liû 地號名有深坑，四界攏有的溪洲，臺北公館遮嘛有 溪流名有真台語氣的頭前溪，無標示音真濟人袂曉唸的濁水溪，苗栗遐的中港溪唸中港較有台語氣口(khuì-kháu)的，已經是溪的意思 --- ## 台灣溪流的狀況 * 長度短短的 * 懸低差真濟 * 有真明顯的水量差別，雨季水大港，焦季會使焦溪面駛車 * 欠水的問題 * 流經過市內的溪流有真嚴重的汙染問題 Note: 長度短短的 (tér-tér) 對山遐到海口懸低差真濟 水量嘛差真濟，雨季水大港，焦季會使焦溪面駛車 南部有欠水的問題 流經過市內的溪流有真嚴重的汙染(u-liám)問題 --- ## 台灣有幾條清水溪？ * 濁水溪流域至少有兩條 * 北部嘛有 * 東部嘛有 * 計共 11 條 Note: 有人會當共我講佗位有清水溪? 北部的金山，東部的小清水、大清水 濁水溪有兩條支流叫清水溪 計共 11 條 ---- ## 溪流的重名問題 * 愛知影𪜶地理空間佇佗位 * 詳細的中介資料：佇佗一个縣市，溪頭的位 * 予逐个溪流攏愛有編號 Note: 到底遮的溪流佇佗位 愛有祥細的中介資料 上好是逐條溪流有唯一的編號 --- ## 這條溪流佇佗位？ 欲探討溪流的問題，第一步就是愛有溪流資料 * 看地圖-Google地圖 * 查維基百科 Note: 查溪流資料，看地圖，查維基百科 ---- ## Google 地圖 [Google 地圖-淡水河](https://www.google.com.tw/maps/place/%E6%B7%A1%E6%B0%B4%E6%B2%B3/@25.1154325,121.3869898,12z/data=!3m1!4b1!4m5!3m4!1s0x3442a5247f16a793:0x1d2228e30425e34a!8m2!3d25.1117431!4d121.4581599) 無線型資料  Note: 逐家攏知的 Google 地圖，毋過干焦有基本資料，無線型資料 ---- ## Google 地圖 搜尋資料  Note: Google 地圖整合 Google Search 搜查，有出現維基百科佮官衙的資料 ---- ## 國土測繪中心 [通用版電子地圖](https://maps.nlsc.gov.tw/T09/mobilemap.action)  Note: 通用版電子地圖無啥人知影，是官方出的地圖，嘛會當參考 ---- ## 維基百科 維基百科 ：[台灣河流列表](https://zh.wikipedia.org/wiki/%E8%87%BA%E7%81%A3%E6%B2%B3%E6%B5%81%E5%88%97%E8%A1%A8)  Note: 維基百科有台灣溪流的清單，毋過毋是逐个攏有條目，無條目的溪流干焦有簡單佇咧佗一个鄉鎮市區的資料 --- ## 政府的資料 * 河川代碼清單 * 國土測繪中心的通用版電子地圖 (WMTS) Note: 拄仔有提起河川代碼和通用版地圖，猶閣有經建版地圖，毋過傷舊的，和現代地貌差誠濟 --- ## 政府有河川代碼，猶毋過有一寡問題 1. 無收錄台灣所有溪流，干焦有大港的溪佮大港溪流的重要支流(tsi-liû)，嘛無溪仔的資料 2. 較大港的溪才有 GIS 檔案，一般人是無法度提著普通的溪仔的 GIS 資料 3. 有一寡溪無完整的描述的中介資料 Note: 官方的資料問題，干焦大港的溪流，佮大港溪流的支流(tsi-liû, 分流(pun-lâu)，嘛無溪仔的資料 較大港，官府有整治的溪流有 GIS 檔案，小溪仔無資料，一般人嘛無法度提著 GIS 資料 有一寡溪無完整的描述中介資料，抑是無開放予一般人看 --- ## 公家、社群欲來解決難題 * 公私合力的機制，OpenStreetMap 和 Wikidata 社群佮官府的合作 * 官方有資源有長期的人力 * 毋過較無法度知影一般人關心的代誌 * 社群有各種較新的作法，親像逐家參與的線頂共編機制的資料庫 * 線頂資料庫Wikidata、OpenStreetMap有基金會維持會當長期存在 * 毋過在地社群較無法度長期投入 Note: 公家(Kong-ka)，社群入來共同處理猶未處理的代 各有各的長處，官方有人力，有資源 民間有較活，較新的做法 親像講共共編平台提來用，OpenStreetMap 佮 Wikidata 毋過社群流動性較懸，無法度長期投入 --- ## 各資料庫收的資料 * OpenStreetMap: 有河川代碼、Wikidata QID ** 長度、各種語言名號、支流(爸仔囝關係)、Wikipedia 連結 * Wikidata: 有河川代碼、OpenStreetMap 關係編號 ** 長度、各種語言名號、溪頭、海口、支流(屬性)、其他的資料庫編號 (GNS, Geonames)、Wikipedia 連結 * 官方溪流資料：河川代碼、Wikidata、OpenStreetMap ID (未來) Note: OpenStreetMap會當寫入河川代碼，Wikidata編號，攏總的長度，各種的語言名號，支流(爸仔囝關係) ---- ## OpenStreetMap, Wikidata 的特性紹介 * 維基百科姊妹的計畫 * 線頂資料庫，群眾共同編輯的開放資料庫 ** Wikidata: 予程式看的百科 ** OpenStreetMap: 受著維基百科影響的線頂地理資料庫 * 會當國際化嘛會當在地化 ** 英文名號，日文名號，Latin ** 台語(漢字，白話字，台羅)，客語(白話字，客拼，漢字) * 程式會當處理 Note: 咱來總結(tsóng-kiat)兩个計畫的特點：會當共同編輯，攏是受著維基百科影響成立的 書寫國際化，在地的記持 OpenStreetMap 佮 Wikidata 攏是線頂的資料庫，會當收無仝的語言，不論是在庄稱呼抑是外國語名號 英文，日文，Latin, 台語，台語無仝的寫法，客家話,白話字，客拼,漢字 真重要的一點是程式會當處理，嘛會當予逐家來共同編輯(編輯) --- ## openstreetmap.org * https://www.openstreetmap.org * OSM, osm.org * 中文：開放街圖 * 2004成立，後來以英國NGO型式管理大家共編圖資 * 社群共編的網路地圖 * 維基百科版本的地圖 * 使用OSM的網站：Foursquare、Wikimedia、 Apple Photo、Facebook、Pokemon Go、實價登錄網站、台北市土壤潛勢地圖 Note: OSM，中文翻譯做開放街圖，2004年成立的，後來佇英國成立基金會(脫歐後想欲搬到歐盟) 這是社群共同編輯的網路地圖，這馬有真濟商業網站佮政府網站用，親像Foursquare、Wikimedia、 Apple Photo、Facebook、Pokemon Go、實價登錄(si̍t-kè ting-lo̍k)地圖、台北市土壤潛勢地圖(tsiâm-sè tuē-tôo) ---- ## 資料格式  * 點：實際帶有經緯度資訊的部分 * 線、區域：線段或構成封閉區域 * 關聯：多個線段或點的集合，可構成公車路線、行政邊界、溪流流域 Note: 資料格式(keh-sik)方面，OSM的資料結構，有點，有線，猶閣有較特殊的關聯，通常是用來標示公車路線，行政區邊界，溪流流域 ---- ## 原始資料  Note: OSM xml 資料是生做按呢的款 ---- ## wikidata.org * 中文：維基數據 * 2012 成立 * 德國維基分會起頭，得著 Google 大力支持 * 目標是成為所有人類知識的典藏庫 * 2019年佇臺灣開始有愈來愈濟人關注 Note: 中文叫維基數據, 2012年成立的，𪜶是德國分會靠 Google 資源大力(tuā-la̍t)來做的 目標是成為所有人類知識的典藏庫 2019年台灣開始愈來愈濟人關注 ---- ## Wikidata 的資料結構  Note: Wikidata是用三段論的方式來收人類的智識，嘛有注意愛收資料來源 英國作家Douglas Adams 來講，伊是人，是劍橋(kiàm-kiô)大學出業的，嘛有記錄遮的聲稱的文獻來源 --- ## 社群的力量 * OSM 700 萬个口座 * Wikidata 499萬个口座 * OSM 點 65 億, 線接近 5 億, 關係 873 萬 * Wikidata 9,400萬个項目 時間：2021-06-19 Note: OSM 700 萬个口座 Wikidata 499萬个口座 資料方面，OSM 點 65 億, 線近 5 億, 關係 873 萬 Wikidata 9,400萬个項目 ---- ## 想欲知影的代誌 * 佇山區的溪流的溪頭位置 * 平埔這爿溪尾佇佗位 * 上尾溪流流入大海的海口位置 * 有基本的資料，下一步才會當關心溪流的水質問題、規劃親水空間 Note: 對一條溪流，阮欲知影溪頭的位，溪尾海口佇佗位 有遮的資料，才會當進一步關心溪流的水質(tsuí-tsit)的問題，規劃予人的親水空間 --- ## LASS 社群 * 空氣盒子的推手 * 近期重心轉到水質資料 * 打算先推行頭前溪佮鱉溪的示範計劃 * LASS 佮官方的人鬥陣去實察頭前溪，確定各支流的溪口的位置 Note: LASS因為空氣盒仔所以予人注意，這改欲來處理溪流的資料，先對頭前溪來做，佮官方的人來確定官方文書記錄的支流流入主流的位是著的 ---- ##  [天下雜誌訪問 LASS連結](https://www.cw.com.tw/article/5115243) Note: 天下雜誌網站的文章，講到政府有濟濟單位，真簡單會變成管家己的代爾爾，失去跨部門合作的能力。政府有真濟公務員，嘛有咧做代誌，毋過權責分明，親像水保局佮溪流有關係，是管流入去溪流進前山坡地的水，一般人是毋捌 ---- ## 開會、實地參訪佮調查  ([連結](https://www.facebook.com/groups/LASSnet/posts/2825612554356003/)) Note: * LASS瞭解政府會當作的代誌，猶閣有限制 * 瞭解各單位是按怎知影水的資料：親像講測量(tshik-liông)站 * 實地看支流流入去主流的溪口位置，比對官方資料 --- ## Wikidata, OpenStreetMap 具體的作法 * 共三方資料串聯 * Wikidata 會當串聯OSM, 河川代碼，猶閣有GNS、 geoname * OSM 串聯 Wikidata、河川代碼 * 社群佮官方的合作，運用社群的活力，官方的權威性，推動溪流資料的標準化 * 佇Open Data網站官方有收 Wikidata QID 編號 Note: 共官府，Wikidata,OpenStreetMap 三方的資料鬥起來 Wikidata 會當串聯OSM, 河川代碼，猶閣有GNS、 geoname OSM 串聯 Wikidata、河川代碼 社群佮官方的合作，運用社群的活力，官方的權威性，推動溪流資料的標準化 佇Open Data網站官方河川代碼表有收 Wikidata QID 編號 --- ## OSM 溪流資料列表 * Overpass Query [表格資料](https://overpass-turbo.eu/s/197C)、[Google 試算表版本](https://docs.google.com/spreadsheets/d/1IOkECHL7Dnp3rrX-uCMKYqRPGFl0UXgDf3tGaKWj3j8/edit#gid=181957460)  Note: 目前OpenStreetMap遮已經共有河川代碼的溪流對應好勢矣，計共 1500偌條溪流 ---- ## OSM 溪流的資料 淡水河流域 polygon 資料  Note: 這是淡水河流域的 polygon 資料，OpenStreetMap 有真好再利用的地理資料 ---- ## 進階檢索 流入臺灣海峽抑是太平洋的溪流 * [Overpass Query](https://overpass-turbo.eu/s/197L)  Note: data mining 來看覓台灣溪流的狀況 ---- ## 溪流的編輯  Note: 會當加各種的資料，編號，維基百科，Wikidata ---- ## 溪流編輯  Note: OpenStreetMap內底編輯名稱的所在，會當加各種語言名稱 ---- ## 溪流編輯-溪流中間線  Note: OpenStreetMap 遮的溪流資料用中間線代表溪流，有較闊的溪流會當畫水面 --- ## Wikidata 溪流資料-名號  Note: Wikidata 有濟語言的能力，毋但收通行語，嘛有外國語英文，猶有在庄的語言名號 ---- ## Wikidata 溪流資料-位置  Note: 位置(uī-tì) Wikidata 會當收溪流海口，溪頭的經緯度(King-uī-tōo)資料 ---- ## Wikidata 溪流資料-編碼  Note: 大部份的代碼對地理資料庫來的，小數是政府開放資料遐的編碼 ---- ## Wikidata Query Service * [Query Link](https://query.wikidata.org/sparql?query=%23Rivers%20Taiwan%0ASELECT%20DISTINCT%20%3FplaceLabel%20%3Fref%20%3Friver%20%3FriverLabel%20%3Flocation%20%3Fopenstreetmap%20%3FGNS%20%3FGeoNames%20%20WHERE%20%7B%0A%20%20%3Friver%20(wdt%3AP31%2F(wdt%3AP279*))%20wd%3AQ355304%3B%0A%20%20%20%20wdt%3AP17%20wd%3AQ865.%0A%20%20OPTIONAL%20%7B%20%3Friver%20wdt%3AP131%20%3Fplace.%20%7D%20%20%0A%20%20OPTIONAL%20%7B%20%3Friver%20wdt%3AP9170%20%3Fref.%20%7D%0A%20%20OPTIONAL%20%7B%20%3Friver%20wdt%3AP625%20%3Flocation.%20%7D%0A%20%20OPTIONAL%20%7B%20%3Friver%20wdt%3AP402%20%3Fopenstreetmap.%20%7D%0A%20%20OPTIONAL%20%7B%20%3Friver%20wdt%3AP2326%20%3FGNS.%20%7D%0A%20%20OPTIONAL%20%7B%20%3Friver%20wdt%3AP1566%20%3FGeoNames.%20%7D%0A%20%20SERVICE%20wikibase%3Alabel%20%7B%20bd%3AserviceParam%20wikibase%3Alanguage%20%22zh-tw%2Czh-tw%2Czh%2Cen%2Cnan%22.%20%7D%0A%0A%7D) * 1636條(包括人工水體)  Note: Wikidata Query Link，計共有1636條，其中有包括人工的水體，發現講猶有真濟溪流猶未畫到 OpenStreetMap 資料庫內底 --- ## 未來計劃 * Wikidata 遐加上 OSM 關聯 ID * Geonames 地名整合 ** 對宿霧語維基補 Geonames 的資料 * 本土語言的標示，如台灣台語、台灣客語 ** 要照歷史名稱猶是漢語拼音 ** 例：淡水河 Tamsui He Vs Danshui He * 國際化標示英語以及英語描述 Note: 未來的計劃佇 Wikidata 遐愛加添 OSM 對應的關聯資料，這馬是有猶未共 OSM 建好的關聯加著 Wikidata 項目遐 國際上有一个地理資料庫叫 Geonames，嘛會當加添入來 各種語言，毋但本土的台灣台語，台灣客家話，猶閣有英語方便國外阿啄仔看 --- ## OSM x Wikidata 月聚 * 8/9 19:30 @摩茲工寮 * Facebook [OpenStreetMap台灣](https://www.facebook.com/groups/OpenStreetMap.TW/) Note: 工商服務時間， 8月初9希望會解封降級(kàng-kip)，防疫第二級會當佇 Moz 工寮聚會，毋過無法度就繼續線頂虛擬聚會 --- ## 謝謝! :sheep: Q&A：[slido.com #727 289](https://wall.sli.do/event/wvkdbhrw) 你會當佇遮的管道揣著我： - [GitHub](https://github.com/Supaplextw/) - Supaplex: [Wikidata](https://wikidata.org/wiki/User:Supaplex)，[OpenStreetMap](https://www.openstreetmap.org/user/Supaplex) - 抑是 [email](mailto:dennis@wikimedia.tw) 我 * 面書 [Wikidata Taiwan](https://www.facebook.com/groups/2212207218990971/)、[OpenStreetMap台灣](https://www.facebook.com/groups/OpenStreetMap.TW/) Note: 提供聯絡訊，歡迎來揣我