羅馬字台文顯示ê問題
===


## 「Ū chi̍t-chiah o͘-a m̄ káⁿ chia̍h ō͘-á-\-o͘h!」

羅馬字台文tī電腦、手機á等等ê資訊系統因為台文iáu無普及，致使開發作業系統、軟體ê廠商無支援，顯示ê時真有可能ē無法度正常。

Che對一般使用者來講mā是真頭疼oh解決ê問題。下底lán to̍h來簡單說明問題kap原因。

## 問題是siáⁿ款？

先來看chit句話顯示<b>正常</b>應該是án-ne：


有可能ē <b>têng-tâⁿ</b> pìⁿ做án-ne：


A̍h是<b>têng-tâⁿ</b> pìⁿ án-ne：

甚至<b>têng-tâⁿ</b> 出現一般講ê「豆腐字」：

Mā有可能連「豆腐字」to̍h無看-\-tio̍h，字直接消失-\-去。

## 問題tī tó位

Kā問題簡單做1-ê整理，有機會走精-\-去-ê是下底幾種情形。

* 第7聲oai-chhoa̍h a̍h是消失
* 第8聲oai-chhoa̍h a̍h是消失
* 「i」ê第8聲，第1聲頂koân hit點iáu koh tī-\-leh
* 「i」ê第8聲，頂koân hit-ki直-\-ê oai-chhoa̍h a̍h是消失
* 白話字母音「o͘」ê hit點oai-chhoa̍h a̍h是消失
* Hit點nā oai-chhoa̍h有可能ē kap後壁ê字黏做伙，譬喻「o͘h」
* 白話字鼻音「ⁿ」消失

Lán koh tùi 1-pái例看māi。

正確-\-ê：</div>

錯誤-\-ê：



看chia例ê錯誤，就是頂koân講-\-ê某幾項問題。

## 台文ê支援程度

到底是án-ná ē án-ne-\-leh？簡單解說to̍h是下底幾項，內底至少其中1項無支援羅馬字台文ê [Unicode](https://en.wikipedia.org/wiki/Unicode)：

* 作業系統
* 軟體
* 字體

一定ài 3種lóng有支援chiah ē正常顯示，chit-má大部份ê作業系統lóng有支援，字體有支援-\-ê有，m̄-koh數量無chē，軟體nā開發ê公司無支援，to̍h真hùi-khì。

是án-ná羅馬字台文ê Unicode chiah麻煩？簡單講to̍h是少人用。Nā beh講khah詳細ê原因，因為有1-kóa字tī Unicode內底是用tàu-\-ê，有興趣ē-sái用ē-kha chit-ê網站sńg看māi：

[https://unicodelookup.com/](https://unicodelookup.com/)

## 台文ê Unicode

Chit-ê網站ē-sái將字ê Unicode拆khui，lán用「ḿ」kap「m̄」來試看māi：

「ḿ」：

「m̄」：

「ḿ」tī Unicode內底是1-ê字ê編碼niâ，m̄-koh「m̄」soah是2-ê字碼tàu做hóe-\-ê，致使軟體需要特別處理2-ê字碼tàu做hóe ê部份，nā無處理好勢，a̍h是字體無支援，to̍h ē走精-\-去。

其他有問題ê字mā是kāng款ê原因。

## 適合台文ê字體？

推薦ê羅馬字台文字體，另外整理1篇文章tī chia：
[https://siataibun.blogspot.com/2020/01/lomaji-e-taibun-jithe-anna-keng.html](https://siataibun.blogspot.com/2020/01/lomaji-e-taibun-jithe-anna-keng.html)

## 參考資料
歡迎提供相關資訊補充，感謝！

* [https://en.wikipedia.org/wiki/Combining_character](https://en.wikipedia.org/wiki/Combining_character)
* [https://en.wikipedia.org/wiki/Precomposed_character](https://en.wikipedia.org/wiki/Precomposed_character)
* [https://en.wikipedia.org/wiki/List_of_precomposed_Latin_characters_in_Unicode](https://en.wikipedia.org/wiki/List_of_precomposed_Latin_characters_in_Unicode)