PfiLa GÜ 2023 Banken

# PfiLa GÜ 2023 Banken :::spoiler Tags ###### tags: `Pfadi` `Lager` ::: ## Ziel/Grundidee Die vie Fähnli werded i vier verschiedeni Banke uufteilt (Migrosbank, ZKB, Raffeisenbank, PostFinance). Ziel vo de GÜ isch es möglichst viel UBS-Aktie zha am Schluss. Je meh UBS-Aktie mer am Schluss het desto meh Zahle het mer bi de Sudokus am Schluss, wo denn bestimmtet, wer dUBS überneh chan und so dGÜ gwünnt. --- ## Grundmechanike ### Aktie (Bändeli) [ZP/Börse] Jedi Bank het en gwüsse Kapitalwert verteilt uf ihri Aazahl Aktie (Bändeli). Jedes Mitglied vonere Bank mues immer es Bändeli a ha. Wenn mer sis Bändeli verlüürt, denn mues mer bi de Börse (ZP) es neus Bändeli go hole. Dementsprechend gits denn meh Aktie vo de einte Bank und de Kurs pro Aktie sinkt. ### Money [SNB] Mer chan Aktie (Bändeli) vo andere Banke bi de SNB gege Geld iitusche (aktuelli Aktiekurs). #### More Money [chli überall] Es git verschiedeni Arte wie mer sies Geld cha vermehre: - Casino / Spekuliere > De CS-CEO isch immer ready zum spekuliere, so cha mer bi ihm sies Geld go aalege. Entweder mit de churzfristige Strategie (Casino Spieli [Blackjack, Poker etc.]), wo so mässig erfolgriich sind. Mer cha aber au e längerfristigi Strategie fahre, mit dere mer entweder mega erfolgriich isch oder halt sehr viel Geld verspekuliert. - Joker > De Orell-Füssli druckt gern chli Geld wemmer e Uufgab erfüllt (Füür mache, meh Holz sammle, Menschepyramide etc.). Das ganze isch e sicheri, aber nöd so effektivi Methode (git nöd allzu viel Geld). - Bastle > De OBI Baumarkt verkauft Materiallie für Hüüsli, us dene chan mer den Hüüsli baue (gwüssi Mindestarforderige). dHüüsli chan mer denn bi de Börse verkaufe [Hypothek], wenn dHüüsli bsunders guet sind gits natürlich chli meh Geld. - Anderi Plätz finde > Bank-Run bi andere Banke uuslöse, fürs finde vo andere Plätz bechunnt mer en gwüsse Betrag vo de Börse uuszahlt (aktuelle Aktiekurs vo de gfundene Bank mal 5 [de Aktiekurs vo de gfundene Bank sinkt denn au no]). ### UBS-Aktie chaufe [ZP/Börse] Es git e unlimitierti Azahl a UBS-Aktie, je nach aktuellem eigenem Aktiekurs chan mer immer vo Punkt bis Halb und vo Halb bis Punkt eimal e gwüssi Azahl a UBS-Aktie poste. Je höher de eignig Kurs, desto meh UBS-Aktie chan mer ufs Mal poste. ### Eigene Aktiekurs [ZP/Börse] Mer chan sin eignige Aktiekurs wieder uufbessere idem dass mer eignigi Aktie uufchauft (mer zahlt de aktuelli Priis pro Aktie und die Aktie wird denn im System gstriche [weniger Aktie = höchere Kurs]). ### Kursaazeig [Google Sheets](https://docs.google.com/spreadsheets/d/1zPZGHD4o0CI_hhDdZmeG4lI7W9_gDTR3rKJNi4wiCwM/edit?usp=sharing) --- ## Regle im Spiel ### Bändelikampf - kei unnötigi Gwalt (chräble, bisse, schlah etc.) - überall erlaubt ussert imne Umkreis vo 10 Meter um de ZP, dPoste (SNB, OBI, Orell-Füssli) und um die einzelne Plätz - sBändeli mues immer guet sichtbar am Oberarm agleit sii - wer keis Bändeli meh het därf nume fighte und mues sofort an ZP es nois go hole - Poste därfed nume mit Bändeli bsuecht werde --- ## Stüürig vom Spiel de ZP isch die Einzig Insitution im Spiel wo e ungefähri Übersicht über die aktuelle Ständ vo de verschiedene Fähnli het. Deswege werded entscheidige zu de Manipulation vom Spiel (zur Spannigserhaltig) nume vom ZP troffe. ### ZP / Börse (2-3) Ungfrögti aapassig vo de Azahl Aktie vo einzelne Fähnli, sötti nur im absolute Notfall brucht werde. ### SNB (1) Cha nöd gross stüüre, es isch aber umso wichtiger, dass dSNB eifach zereiche isch, demit de Bändelikampf sich au lohnt. ### CS-CEO (1) Uf Aawiisig vom ZP: bestimmte Fähnli meh oder weniger Erfolg geh bim spekuliere. ### Orell-Füssli (1) Uf Aawiisig vom ZP: bestimmte Fähnli meh oder weniger Geld geh fürs Erfülle vo Uufgabe. ### OBI (1) Uf Aawiisig vom ZP: bestimmte Fähnli einzelni Sache billiger oder tüürer verchaufe. --- ## UBS-Übernahm De Berset chunnt und isch so: "Meine lieben Damen und Herren, ich bedanke mich recht herzlich bei Ihnen für Ihre Bemühungen. Nun werden sie noch beweisen, dass Sie gut mit Zahlen umgehen können und dass Sie auch komplizierte Wege finden können." Jedi Bank mues 3 Sudokus löse vo den je e Zahl zumne Zahleschloss ergebed. Für de Prozentuali Aateil a de UBS-Aktie bechunt mer uf jedem Sudoku de gliichi Aateil a zuesätzliche Zahle uf jedem Sudoku. Nach em Zahleschloss gits denn es Kroki zum Esse und em Übernahmvertrag.