《講台語當著時》第一季文字稿

# 《講台語當著時》第一季文字稿 ### 每一集的標頭共點落去，有影片連結。 ## [2017.06.01《講台語當著時》：台語的聲調](https://youtu.be/KdY3Qw5Mo6Q) 咱這个節目上主要的目的，就是欲共逐家”台語能力”抾轉來。一、台語的聲調　＊共台語抾轉來　．文化是建國的根基，語言是文化的底蒂　．多語言社會，集體失語　．台語人，鬥陣共台語抾轉來　．正確的語言智識　．加強語言能力　　＊啥物是聲調？　．華語有四个聲調：媽(ㄇㄚ) 1、　　　　　　　　　　麻(ㄇㄚˊ) 2、　　　　　　　　　　馬(ㄇㄚˇ) 3、　　　　　　　　　　罵(ㄇㄚˋ) 4 　．借華語來看，這四个聲音，聲母是”ㄇ"，韻母是”ㄚ”，攏仝款，干焦四个聲調無仝，　　無仝的四个聲調就表示四个無仝的意思。　．像唱歌，Do、Mi、So，三个無仝款的音，代表的意思就無仝。　．華語有4个聲調，台語咧？　　＊台語的聲調：總共有8个聲調，是台語的結構。實際上，咱這馬干焦有7个爾爾。　調類．例．例．例字　 1　：衫、東：三、花、春、冬、風：懸懸平平的聲音。　 2　：短、黨：洗、火、九、水、古：較懸的聲音降落來。　 3 　：褲、擋：寸、欠、四、怪、愛：對中央降落去較低音的所在。　 4 　：闊、督：急、七、國、百、桌：仝款佇中央，較短，聊仔降一下爾爾。　　　　上後面攏有收縮的感覺，是第4調佮第8調的特色。　 5　：人、同：文、牛、王、皮、猴：對下面升起來較懸的所在。　 6 　：矮、黨：(　　　　　　　　　)：佇目前的台語內底，這馬已經無矣，　　　　佇某一寡方言內底，經過變調，猶閣分會出來。為著記的方便，咱共空格仔留咧。　 7 　：鼻、動：大、外、用、坐、順：是一个平的聲音，　　　　毋過是佇中央，無像”衫”遐爾仔懸。　 8 　：直、獨：粒、直、六、白、石：佮第4調仝款有收縮，攏短短仔，　　　　毋過聲較懸一屑屑仔。　　．按怎記，有口訣，利用這兩个口訣，會當共聲調記落來。　 ①第1種記法：　　衫、短、褲、闊、人、矮、鼻、直，就是"衫短短、褲闊闊、人矮矮、鼻直直"，拄好是　　 1、 2、 3 、 4 、 5 、 6、 7 、 8，八个聲調。　 ②第2種記法：　　 “東、黨、擋、督、同、黨、動、獨”佮華語的”媽、麻、馬、罵”，聲母佮韻母仝款，聲調無仝爾。　　＊啥物是變調？　　頭前的字伊的聲調改變，變做毋是伊本來的聲調，這就是”變調”。　．先用華語來解說：總、總統、總統府 / 不、不要　．台語情形是按怎：洗、洗衫、洗衫機、一台洗衫機　　　　　　　　　　電、電子、電子琴、我上愛彈子琴　．敢有規則？有，咱的台語變調有規則。　　＊台語的變調　．基本上是按呢：　．1、5 → 7 → 3 → 2 → 1　　　　p、t、k：4 → 8 　　　　　 8h↗　4h↑　　　　　　p、t、k：4 ← 8 　．咱毋免去記規則，因為咱會曉講台語的人，咱頭殼內底自然就有這个規則佇咧。 . 　＊共兩个仝聲調，完全仝款的字囥做伙，　　調類．例字1、　　　例字2 　　1 ：甜甜、芳芳　　　聽聲音　　2 ：苦苦、好好　　　講古早　　3 ：臭臭、破破　　　看過去　　4 ptk：澀澀、縮縮　　踢骨殼　　　　h：肉肉、闊闊　　割鴨肉　　 5 ：圓圓、茫茫　　　　扒龍船　　 6 ：　　 7 ：老老、慢慢　　　　揣病院　　8 ptk：直直、滑滑　　罰六局　　　　h：白白、熱熱　　提白石　　＊講的比唱的較好聽　．講話若咧唱歌　．(變調)規則家己內化　．加講、捷講自然會順　．台語實在真好聽　二、逐家講台語：　◎見面相借問　．以早咱會講「𠢕早！」，抑是講「食飽未？」這款的招呼方式。　．若是拄著足久無看的，嘛會當講「久見！久見！」　．若是感覺對方誠有元氣，誠有精神，嘛會當講「你元氣袂䆀哦！」　．「食飽未？」原本是關心人有食飯無？時代變遷，這馬不管是「食飽未？」，「𠢕早！」，　　已經超越本來的語意，是一个請安問好的意思。　　◎自我介紹　．有真濟場所和人初次見面，抑是開會、演講，熟似朋友等等，攏有真濟機會會當來自我介紹。　．一般來講，較自謙，會講「我小姓姓”X”。」”小姓”就是『敝姓』。　．然後才閣講名，是”啥物啥物”，這是基本的介紹方式。　．想欲知影人是佇佗位食頭路，咱會當講「請問咱佇咧佗位服務？」　　◎問問題　．假使(ká-sú)咱若欲問路，你搪著一个過路人，你毋知伊是啥物大名，咱會當講「借問一下，　　某某姐(兄)，咱XX毋知欲按怎行？你敢會當共我報路一下？」按呢聽起來較有禮貌。　　◎相辭　．咱講一个坎站了，咱會當講「無...就按呢，失禮，我先來走。」　　等於是共對方講再會。對方嘛會當應講：「順行！」　．咱一般過去無直接講”再見”，落尾因為台語歌內底足濟”再會”這種詞，　　所以沓沓有人開始用”再會”這个詞。　　◎敲電話　．咱若敲過去，「借問”X”小姐(先生)敢有佇咧？」　．若是接著電話，咱欲請問對方是啥物人，咱會當講「咱佗位欲揣？」　　意思就是愛對方共咱講伊的大名佮貴姓。嘛會當「借問咱佗一位欲揣啥物人？」　．電話號碼，四字四字一組，四字的前三字愛變調，兩字兩字一組，頭一字愛變調。　．電話號碼上主要的是愛讀”數字的文言音”。　三、語詞gí/gú-sû 　．相借問sio-tsioh-mn̄g 　．平安pîng-an 　．𠢕早gâu-tsá 　．食飽未tsia̍h-pá--buē 　．久見kiú-kiàn 　．罕行hán-kiânn 　．食頭路tsia̍h-thâu-lōo 　．食秤頭 tsia̍h-tshìn-thâu：講人『偷斤減兩』　．食褒 tsia̍h-po 　．「mè-sih」共日語借詞，名片的意思。　．名片bîng/miâ-phìnn 　．食早起 tsia̍h tsái-khí 　．食晝 tsia̍h-tàu 　．食暗 tsia̍h-àm 　．啉咖啡 lim ka-pi 　．食下晡茶tsia̍h ē-poo-tê 　．來去 lâi-khì 　．再會 tsài-huē 　．順行 sūn-kiânn、　．沓沓仔行ta̍uh-ta̍uh-á kiânn、勻勻仔行ûn-ûn-á kiânn 　．敲電話 khà-tiān-uē 　．幾番kuí huan：”番huan”是對日語來的，號碼的意思。　．咱佗位lán tó-uī：較有禮貌的方式，較親切的講法。　．咱lán：包括佮對方講話的彼的人。　．阮 guán / gún：無包括佮對方講話的彼的人。　四、今仔日的作業：　1.體會聲調佮變調　2.用台語佮同事、朋友相借問 ## [2017.06.08《講台語當著時》：多語言佮共同語](https://youtu.be/A6ywR0htnME) 一、多語言佮共同語　＊一个國家有幾若種語言，會無法度溝通？　．地球頂大部份的國家攏毋但一種語言　．語言競爭、共同語、多語共存　．瑞士：德語、法語、義大利語、羅曼語(Romansh) 　　官方語言的領土主義，用真濟精神予每一種語言有平等的地位　．印度的例：因為殖民的關係，英語是怹目前的通行語。　　在地語言Hindi，會曉講的人佔人口的30%，應該嘛愛會曉講。　．南非的例：因為殖民的關係，怹有英語、荷蘭語以外，　　怹猶有9種的本地語言是官方語言，有一个委員會來管理。　　◎學校教育　＊台語佇厝內講就好，免佇學校教？　．厝內敢有咧教？敢有才調教？　．語言原本應該是自然學習，學校是最後的防線。　．干焦靠學校嘛是無夠：一禮拜40分鐘的課　．台語毋但是學科，閣應該愛是學習使用的語言：　　﹡浸水式教學：使用學習的時陣，學一个學問、學科的時陣，所使用的語言。　　　比論講：用台語教數學、教社會科，共台語當做一个語言工具，來學咱的學問，　　　這種教學，叫做”浸水式教學”。　　◎學校教台語，客人、原住民、新移民欲按怎？母語是華語的人欲按怎？　．本土語言課程毋但是台語課，是學家己的族語。　．全世界攏有移民，移民會學當地語言，有的嘛會保留家己的語言。　．台灣目前語言環境形成的歷史：國語政策共多語變做統治者的單語。　　本來是多語的台灣社會，變做是華語為主，甚至共伊叫做”國語”。　．華語人佇1949嘛是移民，應該嘛愛學本地語言。　　◎專業佮公領域　＊台語無法度表達專業智識？　．佇華語猶未來台灣進前，科學、文學、醫學、數學、　　藝術，台灣人是用啥物語言咧討論遮的學問？　　-佇日本時代，抑是日本時代進前，台灣大多數的人講台語彼的情形之下，　　遮的科目就是用怹家己的族語，大多數的人是用台語來討論學問。　．現代科技敢袂當用台語講？　　-造火箭的交通大學教授吳宗信：佇TED有伊的演講，全部攏用台語，　　講伊按怎造火箭，講伊的火箭計畫按怎會成功。　　-用台語教微積分的台大教授楊維哲：用台語來教足深的學問。　　◎毋是干焦口語爾，文獻內底嘛有專業的文獻。　．《SIN-THÉ-LÍ Ê CHÓNG-LŪN》《身體理的總論》1896 　　這本冊是用羅馬字寫的，內底寫人體的結構，像遮咧講骨頭，頭殼有　　啥物骨，頭殼碗有8塊，面有14塊，鼻有6支，全身軀的骨頭有206塊。　　這規本冊攏咧講醫學，攏佇咧講解剖(kái-phóo)，攏佇咧講身體的　　構造(kòo-tsō)，這就是專業的台語。　　．除了醫學以外，社會科學嘛有。　　《CHA̍P-HĀNG KOÁN-KIÀN》《十項管見》蔡培火1925 　　伊若是一篇一篇的社論，共伊綜合起來的。　　比如講伊有講著社會，講著台灣，講著女子的代誌，伊佇咧真早的時陣，　　就已經有女權的思想，鼓勵女子應該愛行出家己的路，而且認為女子　　無應該比男子地位較低，這是毋著的。　．台語會當講專業，會當開講，會當生活，會當討論學術，　　遮的攏毋是你無愛學台語的藉口。　．台語佮世界上真濟語言攏仝款，咱會當用台語做任何的　　溝通(koo-thong)，做任何的代誌，只要咱願意，逐家試看覓用　　台語，用你上佮意、上熟似的語言來去討論一个專業的領域，抑是講　　討論你工課上的代誌，你會發現，其實無遐爾仔困難。　二、逐家講台語：看電視講電影　．第四台tē sì tâi：一般就是咧講有線的電視台，統稱做”第四台”。　　除了老三台以外，無線的第四台，就是”民視”。　．成百台tsiânn pah tâi：有到100台遐濟。　．百捅台pah thóng tâi：比100台閣較加一屑屑仔。　　加兩台，加三台，華語講『一百出頭』。　　-捅thóng：就是『凸出來，多一點點』的意思。　．百外台pah guā tâi：比百捅台閣較加一屑仔，『一百多台』。　．百幾台pah kuí tâi：若是閣較濟咧，比如講百二、百三，　　甚至到百六、百七去，咱會當講”百幾台”。　．幾若百台kuí-nā-pah tâi：若是超過一百台，　　比如講二百、三百，咱會當講”幾若百台”。　　．綜藝節目tsong-gē tsiat-bo̍k 　．連續劇liân-sio̍k-kio̍k 　．新聞sin-bûn 　．囡仔齣gín-á-tshut：『兒童節目』　　-齣tshut：一齣戲的”齣tshut”。　．『卡通』(cartoon)有兩種講法，攏會當講：　　-1.借日本的詞bàng-gah：借來的時陣，原本是紙本的『漫畫』，會當掀的『漫畫書』。　　　後來，『卡通』開始時行了後，咱嘛會共電視頂頭的『卡通』，　　　共伊講做”bàng-gah”。　　-2.動畫tōng-uē：這馬嘛有人直接共華語的『動畫』，共伊唸做台語”tōng-uē”。　　．辯士piān-sū：古早的台灣人，佇咧看電影的時陣，(電影影片)無聲，　　干焦有畫面爾爾，有一个要緊的人，佇邊仔共觀眾朋友介紹這齣電影的　　劇情是按怎，這馬行到佗位，甚至愛激內底演員的聲音。伊的身份就是”辯士”。　　．新潮派Sin-tiâu-phài：台灣真有名的電影流派。　．侯孝賢Hâu Hàu-hiân 　．楊德昌Iûnn Tik-tshiong 　．吳念真Ngôo Liām-tsin 　．柯一正Kua It-tsìng 　　﹡唸人名的時陣，姓一般要唸”白話音”，名一般要唸”文讀音”。　　這毋是一定，是講大部份。有真濟例外。　　比如講，姓”林Lim”是文言音，袂講姓”Nâ”，姓”Nâ”就變做另外一个姓。　．悲情城市Pi-tsîng-siânn-tshī 　．戀戀風塵Luān-luān-hong-tîn 　．海角7號Hái-kak 7 hō 　三、今仔日的作業　　練習介紹你的工課，抑是你熟似的現代事物。　　講一齣電影的劇情，予朋友臆看覓是啥物電影。 ## [2017.06.15《講台語當著時》：台語的漢字](https://youtu.be/ByTRfg7VH9A) 一、台語敢有字？　◎台語毋但有字，閣有兩種字：羅馬字、漢字　＊羅馬字：用ABC的拉丁字母所寫出來的台語字。　　以後的節目才會詳細介紹。　＊漢字：　．是真濟種語言攏有咧使用的文字，毋是干焦屬華語的。　．台語攏唸會出來，精差(tsing-tsha)口語無一定會使用。　．有咧使用漢字的語言，用家己的音來唸漢字：　　下雨(華語)、落雨(台語/四縣客語)、落水(海陸) 　　◎一人寫一款？　＊過去台語漢字用字無一致　．𨑨迌(tshit/thit-thô)、七逃、七桃、佚陶、踢桃　．鬥陣、湊陣、逗陣、豆陣　．好空、好康、好孔　＊為著教學、保存，所以愛整理漢字，選用適合的字來寫，逐家一致。　　◎台語漢字的類型　．本字：符合音韻規律、意思嘛有合的字。　　比如講：山、水、天、地、雨，這款基本詞。　．一部份(pōo-hūn)音字脫節、有音無字，(抑是有音，猶揣無字)。　　佇台語的底層，嘛有無仝款的語言成分，本來就毋是漢語，　　當然有音無字。像講”虼蚻”，毋是漢語來的，當然無漢字通寫。　．借字：　　-借義：人lâng、肉bah、低kē、田tshân 　　-借音：甲kah、某bóo、閣koh、沐ba̍k 　．造字：𤉙kûn、”亻因in”、”足百peh”、”冫彥gàn”、　　　　　”扌回huê”、𠢕gâu、𤆬tshuā、勥khiàng。　　　◎愛選佗一種？　．每一種攏有優點、有欠點，無一定佗一種上適合。　．教育部有《台語推薦用字》　　-專家學者根據原則討論　　-無一定逐家滿意　　-已經使用成十冬　　-學校教材、考試、辭典　．標準化對台語教育佮推廣真重要　　有標準化以後，咱才會當共台語文字保存落去。　二、逐家講台語：穿新衫妝媠媠　．頂半身tíng-puànn-sin：『上半身』。　．下半身 ē-puànn-sin：『下半身』。　．穿插tshīng-tshah：『穿著』。　．手䘼tshiú-ńg：『袖子』。　．短䘼té-ńg：『短袖』。　．長䘼tn̂g-ńg：『長袖』。　．䘥仔kah-á：『背心』。　．「siat-tsuh/tsirh」：借日語的詞，是外來語，就是『襯衫』。　．「uâi-siat-tsuh/tsirh」：借日語的詞，外來語，就是『白(white)襯衫』。　．頷領 ām-niá：『襯衫』頂懸一定有的領。　．「khòng-pat-á」褲：古早一種流行的褲，叫做『喇叭褲』。　．狹裙e̍h-kûn：查某穿的『窄裙』。　　這个所在真”狹e̍h”。『這個地方很窄。』　．百襇裙pah-kíng-kûn：學生咧穿的彼種抾襇(khioh-kíng)的裙。　　就是『百摺裙』。　．梳妝se-tsng：包括”梳”佮”妝”，梳妝打扮se-tsng tánn-pān。　．梳頭se-thâu：毋但『梳頭』，閣愛sé-toh，　　共頭毛用予媠媠，有一个『髮型』。　．捋仔lua̍h-á：平常時仔的『梳頭髮』，用”捋仔”捋頭毛。　　“捋”是動詞，加一字”仔á”，變做名詞『梳子』。　．頭毛thâu-mn̂g/moo：兩種講法攏會使，是無仝所在的人無仝唸法，這叫做”方言差”。　．頭鬃thâu-tsang 　．縛pa̍k：縛頭鬃，就是『綁頭髮』。　．辮毛尾仔pīnn mn̂g-bué-á 　．化妝huà-tsong：兩个攏是華語的『化妝』，可是咱用字、讀音無仝。　．畫妝uē-tsong 　．水粉膏tsuí-hún-ko：『粉底液』　．崁瑕膏khàm-hâ-ko：『遮瑕膏』。　．膨粉phòng-hún：咱原底就有的詞，佇台灣真有歷史的化妝品。　．粉餅hún-piánn：用粉餅，無用水粉膏的人，就免用膨粉矣。　．抿仔bín-á：佇面頂『刷來刷去的刷具』，有大大細細無仝的功能。　．目彩ba̍k-tshái：『眼影』。　．目睫毛挾仔ba̍k-tsiat-mn̂g gia̍p-á 　．目睫毛膏ba̍k-tsiat-mn̂g ko 　．目眉筆ba̍k-bâi-pit 　．紅花水粉 âng-hue-tsuí-hún：『腮紅』。　．喙䫌紅tshuì-phué-âng：『腮紅』。　．胭脂ian-tsi：『口紅』。　．喙脣蜜tshuì-tûn-bi̍t：『脣蜜』。　三、今仔日的作業：　1.手頭有文字的文件，讀漢字的台語音。　2.共人解說你今仔日的穿插。　 ## [2017.06.22《講台語當著時》：台語的語言能力](https://youtu.be/yH_MF08PPIQ) 一、台語的語言能力　◎語言能力　．台語你會曉無？　．若會曉，你台語的能力有偌好？　．啥物是語言能力？　＊歐洲共同語言參考標準(CEFR)的語言分級：　　A1基礎級、A2初級、　　B1中級、B2中高級、　　C1高級、C2專業級　　◎台語語言能力　＊教育部台語認證的分級描述：　．能針對個人的生活經驗或是熟悉的主題，　　進行簡單談話、報告或是創作等。　　↑你敢有到按呢？這可能是佗一級？　　--------- 　．對於較抽象(thiu-siōng)的複雜文字能瞭解其重點。　　並針對多樣的主題，進行創作，　　也能針對論點或議題提出自身觀點，並進行評論。　　↑你敢有到按呢？這可能是佗一級？　　--------- 　　◎用台語生活　．按怎才算是「會曉講台語」？　　 -教囡仔煮食、做厝內的工課，抑是分派做工課。　　 -用台語教序大用網路買物件，抑是教怹用電腦、用手機仔。　　-敢有法度用台語發表你對核能問題、抑是土地正義、　　土地徵收問題，各種社會議題、國會等等的看法。　　 -共佮意的人訴情意，敢有法度用台語談戀愛咧？　．遮的攏是咱生活中的情境，咱敢有法度全部用台語共人溝通？　　．台語的動詞、形容詞，你會曉偌濟？　　-拍phah、摃kòng、掔khian、搩kia̍t、揍bok、　　撼hám、擉tia̍k、搧siàn、硞kho̍k 　　-這幾的動詞攏會當用”拍”來代替，仝款攏是共人”拍”，　　伊代表的意思，用的工具，抑是出力的方式完全無仝款。　　逐家佇生活中，是毋是會當完全了解這幾个動詞的用法？　　甚至你會曉講這幾个的動詞？　　-------- 　　　咱對上熱到上寒來看：　　-燒烘烘sio-hong-hong、漚鬱熱àu-ut-jua̍h/lua̍h(『悶熱』)、　　翕hip、秋凊tshiu-tshìn、涼liâng、冷líng、　　寒kuânn、凍tàng、”冫彥”gàn、寒甲會鑽骨(tsǹg-kut)。　　-遮濟的形容詞，平常時咱是毋是有咧講？　　是毋是完全了解伊的意思？　．這就是台語的深度。　　　◎聽講讀寫　．語言能力包含聽、講、讀、寫四項，一種語言完整的能力，應該愛包括四項，　　愛會曉聽、會曉講、會曉讀、會曉寫。　．台語敢會當寫？台語當然會當寫。　　．「阮阿媽台語足好，寫這連伊嘛看無」？　　這句話有兩个意思：　　1.伊對台語的書寫用字無認同。　　2.台語有字，你若無學，你就袂曉，袂曉遮的字，　　　當然看無。就算你較會曉講，你若無學過文字，看無文字是誠正常的。　　　咱就是去學校上課，才開始學漢字。　　．文字需要學，先會曉講、才學寫字　　咱若想欲看有台語字，咱就愛來學台語字，會曉講、才來學寫字。　．文字會當保存語言、文學會當深化語言　　學寫字有啥物好處？文字會當保存語言，語言保存落來了後，你有文字，　　才會當發展文學，文學會當予一个語言閣較深化，這个語言就會愈來愈豐富。　　所以文字對台語來講是真要緊的。　　◎咱這个節目主要是欲共逐家提醒講，台語的能力，毋是干焦聽佮講，嘛有讀佮寫。　　◎共台語的活力揣轉來　．咱捷捷講，捷捷聽，甚至咱開始來練習按怎讀台語，按怎寫台語，　　予愈來愈濟人一直咧用台語的時陣，這个語言伊就會活起來，　　活起來了後，伊就會較豐富，較豐富了後，伊就會那來那有作用。　．台語足趣味，逐家學台語，予家己的台語程度愈來愈好。　　有深度，嘛有闊度。　　這个”好”，有兩个部份：　　-有深度：一个詞，你會曉各種無仝款的講法，你的台語會當講了媠，這就是”深度”。　　-有闊度：除了佇家庭中、生活中以外，你佇咧真濟領域，佇公領域，你嘛會當使用台語；　　佇咧無仝所在，你攏會當使用台語。　　．結論：袂曉講的開始講，會曉講的較捷講，　　　　　袂曉寫的誠寫看，會曉寫的加寫寡。　二、逐家講台語：騎車、坐車四界去　．交通工具kau-thong kang-kū 　．鐵馬thih-bé 　．跤踏車kha-ta̍h-tshia 　．機車ki-tshia 　．「oo-tóo-bái」　．軁來軁去 ǹg lâi ǹg khì：佇車陣內底『鑽來鑽去』。　．踅來踅去se̍h lâi se̍h khì：『繞來繞去』。　．公車kong-tshia 　．巴士bá-suh：對日語共伊借音來的。　．高速公路ko-sok-kong-lōo 　．快速路khuài-sok-lōo 　．捷運tsia̍t-ūn：真濟人攏讀毋著，佮變調有關係。　．空隙khang-khiah：『縫隙』。　．鐵枝路thih-ki-lōo：捷運，抑是火車行的路，叫做”鐵枝路”。　．高鐵ko-thih 　．飛行機hue-lîng-ki，”飛”讀做hui，pue攏會使，音略仔走去爾。　．網路bāng-lōo：”網bāng”變調了後，毋通讀做”蠓báng”，　　這个真重要，一定要唸予著。　．線頂suànn-tíng：『線上』。　．拆票thiah-phiò：『買票』。　　咱台語的”買票”，是共人烏西(oo-se)彼種叫做”買票”。　　(烏西：『賄賂、行賄。源自日語。』) 　．納錢 la̍p-tsînn：『繳錢、付錢』。　．納數單 la̍p-siàu-tuann：『付帳單』。　．現金hiān-kim 　．信用卡sìn-iōng-khah 　．悠遊卡Iu-iû-khah 　．一卡通Tsi̍t-khah-thong 　．用觱的iōng-pi–ê：共聲音轉做動詞。　．儲值tû-ta̍t：卡內底愛有錢，先『儲值』，按呢念怪怪，　　可能一般人聽無。　．橐錢lok-tsînn：咱會當較口語的講法”橐錢”，「橐lok」就是共物件囥入去。　　例：我的悠遊卡內底無錢矣，我欲來去橐錢。　三、今仔日的作業：　◎共你使用交通工具的一改經驗，講予別人聽，　　才閣用台語寫落來，　　想看覓啥物字台語佮華語無仝款。　 ## [2017.06.29《講台語當著時》：一字多音--台語的文白音佮方言差](https://youtu.be/AcMuxdCKiwo) 一、台語的文白音佮方言差　◎一字哪會有幾若个音？　．勾破：佮華語的『破音』意思仝款。　　例：重，就是一字有兩个以上的音，每一个音伊有無仝款的意思。　　　　比論講：”重”有讀”tiông”的音，嘛有讀”tiōng”的音。　．文白音：一字文言音、白話音兩種讀法。　．方言差：一音會因為腔口無仝，無仝所在的人會唸無仝音，有規則對應。　　◎文白音　＊文白音固定的：欲唸文音，抑是白音，是固定的，　　兩个音是袂當交換的。　　　　文音　　　　白音　　天：thian天才、　thinn天頂　　寒：hân 寒冷、　kuânn真寒　　氣：khì 空氣、　 khuì 氣口　　公：kong公民、　kang公的　　聲：sing 聲明、　siann聲音　　行：hîng行為、　kiânn行路　　動：tōng動物、　tāng 振動　　力：li̍k 力量、　　la̍t 氣力　　反：huán反對、　píng 倒反　　平：pîng平等、　pênn平地　　＊文白音攏會使：　　公平：kong-pîng / pênn 　　校園：hāu-uân　 / hn̂g 　　目前：bo̍k-tsiân　/ ba̍k-tsîng 　　大學：tāi-ha̍k　　/ tuā-o̍h 　　＊文白音意思無仝的：　　　　　文音　　　白音　　公家：kong-”ka” / kong-”ke” 　　老師：lāu-”su” 　/ lāu-”sai” 　　大寒：tāi-hân　　/ tuā-kuânn 　　十全：si̍p-tsuân　/ tsa̍p-tsn̂g 　　◎方言差(腔口差)：你的腔口佮我的腔口，音無仝款。　．仝字無仝唸法，有對應關係　　 -ue / e：火、粿、尾、歲、皮　　 -e / ue：雞、濟、街、細、鞋　　-enn/inn：生、青、平、姓　　 -in / un：斤、根據、筋、近　　頭前這組是偏漳腔，後面彼組偏泉腔。　　．有幾个的所在有特殊的腔口：　　-宜蘭的-uinn：食飯(puīnn)配滷卵(nuī)、酸酸(suinn)軟軟(nuí)，　　宜蘭佮老漳腔的所在，特殊的腔口。　　-臺南的-ionn：臺南老輩的人伊會講”唱(tshiònn)歌”，　　會講”我想(siōnn)你”。這个”-ionn”就是老台南的特色。　　-鹿港的”講”話：鹿港的腔口有真濟特色，伊的”講”話，　　這是伊第二調的變調，和別的所在無仝款。　　◎若兩項攏有咧　＊有勾破嘛有文白：　　　　　勾破、　　白音　．長：(文)tiông、(白)tn̂g：『長ㄔㄤˊ』　　　　(文)tióng、(白)tiúnn：『長ㄓㄤˇ』　　頂面佮下面是”勾破”音，頭前佮後壁是文白音。　　＊有文白嘛有方言差：　．歲：(文)suè 、(白)huè / hè 、　．生：(文)sing、(白)senn / sinn、(白)tshenn / tshinn 　　怹有文白音，怹的白話音內底閣有方言差。　二、逐家講台語：菜蔬果子好滋味　◎菜蔬tshài-se 　．菠薐仔pue-lîng-á：『菠菜』　．湯匙仔菜thng-sî-á-tshài：『青江菜』　．芥藍仔kè-nâ-á 　．瓜仔鬚kue-á-tshiu：『龍鬚菜』　．金瓜kim-kue：『南瓜』　．刺瓜仔tshì-kue-á：『大黃瓜』　．茄仔kiô-á、茄kiô：『茄子』　　◎煮食的動詞　．煠 sa̍h：用白水來煮物件，煠麵、煠水餃、煠菜。　．炕khòng：有湯的物件，共伊煮較久咧，煮予爛。　　炕排骨、炕菜頭。　．𤉙 kûn：沒炕遐爾久，愛煮一段時間，嘛是愛有湯的物件。　．烘hang：『烤』，『烤肉』就是烘肉。　　『烤箱』台語講做”電烘箱”。　　◎果子kué-tsí 　．弓蕉king-tsio 　．一莢(tsi̍t-gneh)弓蕉：『一根香蕉』　．一枇(tsi̍t-pî)弓蕉：『一串香蕉』　．一弓(tsi̍t-king)弓蕉：若是佇樹仔頂，幾若枇的弓蕉，　　『一整排香蕉』。　＊毋是每一種果子攏用切(tshiat)的。　．刣柚仔thâi iū-á 　．刣王梨thâi ông-lâi 　．咬舌kā-tsi̍h：有的王梨品種的關係，食著會咬舌，　　你的喙舌會砧砧(tiam-tiam)、揻揻(ui-ui)，會痛。　．擘柑仔peh kam-á：共柑仔”擘peh”開。　．一瓣tsi̍t-bān柑仔：『一片橘子』　．破西瓜phuà si-kue：共西瓜『剖開』　．切菝仔tshiat pa̍t-á：”菝仔”有真濟講法，　　菝仔(pua̍t-á、pa̍t-á)、林菝仔(ná-pua̍t-á、ná-pa̍t-á)，　　每一个所在對菝仔的稱呼無仝款。　．一周 tsi̍t-tsiu：共西瓜、菝仔切做半月形。　．削甘蔗siah kam-tsià 　．一橛 tsi̍t-kue̍h 　．一葩葡萄 tsi̍t-pha phû/pô/phô-tô 　三、今仔日的作業：　1.想看覓，有啥物菜蔬果子，你有聽過無仝款的講法？　　敢有地區性？　2.除了咱有舉的例以外，閣揣出有無仝音的字，　　想看覓伊可能是文白音抑是方言差。　 ## [2017.07.06《講台語當著時》：羅馬字是啥物？](https://youtu.be/jkOiHM2EveU) 一、羅馬字是啥物？　◎台語的另外一種字　．歷史：19世紀綴基督教來台灣的新文字。　　　　　彼當時仔，長老教會的牧師、傳教士，來到台灣，　　　　　愛學咱的語言、學客語、學原住民語。　　　　　學語言以後，就用羅馬字來共語言寫落來。　　　　　基本上，伊是表達聲音的一種文字，一種工具。　　　　　怹用羅馬字來傳教，來教逐家讀冊。　　．功能：會當記音，嘛會當當做文字來書寫。　　　　　因為伊的拼音、記音的性質，會當做標音符號，　　　　　紀錄台語的聲音，伊嘛會當當做文字來書寫。　　　　　共記音寫做一逝字的時陣，伊會當當做文字來使用。　．文獻：　　　　-《台灣府城教會報》1885年台灣第一份報紙　　　　　伊就是全部用羅馬字來寫，到今猶看會著。　　　　　內容有彼當時的新聞，有散文，有文學作品，有紀錄，　　　　　有記者寫的一寡代誌。　　　　　想欲了解早期台灣的一寡生活情形，會當對內底揣資料。　　　　　這份報紙後來有改名稱，叫做《台灣教會公報》，　　　　　到目前、這馬為止，猶閣有咧發行，是了不起的所在。　．辭典：　　　　-《廈英大辭典》1873年出版，1923年有再版、補充。　　　　　伊是廈門話(彼當時仔的台語)佮英文之間的對應，　　　　　一个詞(廈門話的詞，抑是台語詞)，後面是台語解釋。　　　　-《廈門音新字典》1913年出版，是全部用羅馬字來寫，伊是甘為霖牧師編輯。　　　　　(字典內底安排)頭前是羅馬字，就是漢字的聲音。　　　　　閣來是漢字，漢字後面這逝是解說漢字啥物意思，全用羅馬字來解說，來寫。 . 　◎是按怎學台語著愛學羅馬字？　．學語言：愛學標音、記音的工具　　　　　　親像學華語，愛學注音符號；學英文，愛學kk英標；　　　　　　學日語，愛學日語的假名。　　　　　　學台語，嘛愛有一个記台語音的工具，　　　　　　這就是羅馬字對逐家來講，上主要的功能。　　．做研究：台灣語言、歷史文獻　　　　　　若欲做台灣相關的研究，你愛了解台灣的語言、　　　　　　了解台灣古早的代誌，愛讀遮的歷史文獻，　　　　　　你若看有羅馬字，遮的文獻你就全部攏看有。　　　　　　對台灣古早的語言，抑是對台灣過去的歷史，會當加真濟了解。　　　　　　做研究的人一定愛會曉羅馬字，看有羅馬字。　　．古早教育無普遍，羅馬字緊熟手　　　早期的古早人，毋是每一个人都有讀冊。　　　漢字是有讀冊的人，有去讀漢學仔的人才會曉。　　　一般人無去讀冊，是袂曉漢字。　　　親像咱細漢時仔學漢字，嘛是足歹學的，用真濟時間去學。　　　羅馬字是記音，只要記幾个符號，基本上就會曉用矣，　　　學羅馬字足緊就會熟手。對古早人，對無讀冊的人來講，　　　學羅馬字是一个怹真緊就會當開始讀，會當開始的方式。　　　所以傳教士才會利用羅馬字來做教育的工程佮工具。　．用台灣島的角度看歷史，羅馬字佮漢字平重要　　　羅馬字佮漢字入來台灣的時間差無偌濟，　　　這兩種文字佇台灣的歷史攏真長，所以怹攏有文獻。　．看無？無學過當然看無　　　一種文字，你無學過，當然嘛看無。　　　咱若是欲看有羅馬字，咱一定愛去學。　　◎認捌羅馬字　．教羅：教會羅馬字、白話字　．臺羅：教育部2006年公告「臺灣閩南語羅馬字拼音方案」　　　-重要的特色：　　　1.符合國際音標IPA的原理：　　　　國際音標是國際上佇咧做語言研究的人，怹有一套符號，　　　　會當共全世界語言的聲音攏紀錄落來。臺羅拼音的原理佮國際音標的　　　　原理是仝款的，學會曉臺羅，你就會當去了解全世界語言記音的基本方式。　　　2.會當準確紀錄各種台語音　　　3.會當做文字，補漢字的不足　　　　有的台語的聲音，基本上揣無伊的漢字，　　　　抑是咱毋知伊的字按怎寫，或者是伊根本無漢字通寫，無法度用漢字　　　　來表達的遐的字，咱就會當用羅馬字來書寫。　　　4.佮傳統文獻的差別真少　　　　臺羅和教羅的差別其實袂講蓋濟，差不多幾个仔符號無仝爾，　　　　你會曉其中一種，小記一下，小轉換一下，另外一種你就會曉矣。　　　5.Tse tō-sī Lô-má-jī, o̍h--tsi̍t-ē tō khuànn ū. 　　　　這就是羅馬字，學一下就看有。　二、逐家講台語：生活科技誠利便　．挩thuah 　．挩門thuah-mn̂g 　．厚kāu 　．薄po̍h 　．闊khuah 　．狹e̍h 　．電漿tiān-tsiunn 　．液晶i̍k-tsing 　．螢幕îng-bōo 　．主機tsú-ki 　．筆電pit-tiān 　．硬體ngē-thé 　．軟體nńg-thé 　．程式tîng-sik 　．拍字盤phah-jī-puânn 　．齒盤khí-puânn 　．鳥鼠仔niáu-tshí-á 　．滑鼠ku̍t-tshí 　．隨身碟suî-sin-tia̍p 　．灶tsàu 　．瓦斯爐gá-suh-lôo 　．電鍋tiān-ko 　．炊tshue 　．熥thn̄g：『加熱』　．電子鍋tiān-tsú-ko 　．微波爐bî-pho-lôo 　．電烘箱tiān-hang-siunn 　．做麭機tsò-pháng-ki 　．絞汁機ká-tsiap-ki 　．豆奶機tāu-ling-ki 　．布攄仔pòo-lu-á 　．吸塵器khip-tîn-khì 　．電掃帚tiān-sàu-tshiú (吸塵器的另一種講法。) 　．電磁波tiān-tsû-pho 　．吸石仔khip-tsio̍h-á (磁鐵) 　三、今仔日的作業：　1.共厝內的家電隨个用台語講看覓　2.走揣台語羅馬字 ## [2017.07.13《講台語當著時》：看有羅馬字](https://youtu.be/s8cELjAovTM) 一、看有羅馬字　◎羅馬字的結構　．臺羅音標：　 l　　 i 　　â　　n　(讀做”連”) 　　　　　　　　s　　 i 　　o̍　　k　(讀做”續”) . 　．名　　稱：　聲母、介音、元音、韻尾(後壁這三个是韻母) 　　　　　　　　　　　　(聲調) 　．華語注音：ㄌ　　一　　ㄢ(ˊ) 　　．漢字：前、中、後、聲調、羅馬字　　矮：　　　 e　　　　 2　　　é 　　-------------------------------------------- 　　刀：　 t　　o　　　　 1　　　to 　　-------------------------------------------- 　　歲：　 h　 ue　　　　 3　　　huè 　　-------------------------------------------- 　　安：　　　 a　　 n　　 1　　　an 　　-------------------------------------------- 　　鹽：　　　 ia　　m　　5　　　iâm 　　-------------------------------------------- 　　借：　 ts　 io　　h　　 4　　 tsioh 　　◎囥頭前的：p-　 ph-　 m-　 b-　　　　　　　　t-　 th- 　 n- 　 l- 　　　　　　　k-　 kh-　 h- 　　　　　　　ts-　tsh-　 s- 　　　　　　　j- 　 g-　 ng- . 　◎囥中央的：a　e　i　o　oo　u　ng　m . 　◎囥後面的：-n　-ng　-m　-p　-t　-k　-h　-nn 　　◎聲調：1　2　3　 4　 5　6　7　8 　　　　　a　á　à　ah　â　　 ā　a̍h 　　　例：民視bîn-sī 　　　◎咱來看羅馬字　　例：Kóng Tâi-gí, tng tio̍h-sî. 　　　　講　台語　當　著　時。　二、逐家講台語：講天氣說氣候　．落雨lo̍h-hōo 　．霎霎仔雨sap-sap-á-hōo：『下毛毛雨』　．落雨毛仔lo̍h hōo-mn̂g-á：『下毛毛雨』　．厚雨kāu-hōo：真捷落雨。『常常下雨』　．雨真粗hōo tsin tshoo：『雨很大』　．烏陰oo-im 　．剾風khau-hong：『颳風』　．透風thàu-hong：『颳風』　．出日tshut-ji̍t 　．日頭猛ji̍t-thâu mé：愛穿長䘼(ńg)才會當擋曝(tòng-pha̍k) 　．漚鬱熱àu-ut-jua̍h：欲落西北雨進前，足翕的，予人真齷齪(ak-tsak)。　　　　『天氣很悶熱』　．翕hip：『天氣很悶』　．溼sip 　．秋凊tshiu-tshìn：『涼爽』，樹蔭(tshiū-ńg)下跤較秋凊。　　　　秋天來，天氣嘛會較秋凊。　．涼liâng 　．冷líng 　．寒kuânn 　．凍tàng 　．連鞭寒，連鞭熱liâm-mi kuânn liâm-mi jua̍h 　．四季sù-kuì 　．春夏秋冬tshun hā tshiu tang 　．春天tshun-thinn 　．熱天jua̍h-thinn 　．熱人jua̍h--lâng 　．秋天tshiu-thinn 　．寒天kuânn-thinn 　．寒人kuânn--lâng 　．黃酸雨 n̂g-sng-á-hōo：『梅雨』　．西北雨sai-pak-hōo 　．雷陣雨luî-tsūn-hōo 　．霆雷公tân luî-kong：『打雷』　．爍爁sih-nah：『閃電』　．雨傘hōo-suànn 　．雨幔hōo-mua 　．雨鞋hōo-ê 　．靴管hia-kóng 　．雨遮hōo-jia 　．風颱hong-thai 　．做大水tsò-tuā-tsuí 　．塗石流thôo-tsio̍h-liû 　．水崩山tsuí-pang-suann 　．(溫度)夯懸giâ kuân 　．(溫度)降低kàng kē 　．氣候變遷khì-hāu piàn-tshian 　．地球發燒tē-kiû huat-sio 　．全球暖化tsuân-kiû luán-huà 　．冰山溶去ping-suann iûnn--khì 　．海島沉落hái-tó tîm--lo̍h 　．島嶼tó-sū 　．巴黎協定Pa-lê hia̍p-tīng 　三、今仔日的作業：　1.練習講今仔日對透早到暗時的天氣、　　你上佮意的季節佮理由。　2.對投影片揀羅馬字，共拆開試看覓。 ## [2017.07.20《講台語當著時》：台語文書寫](https://youtu.be/oN35geyeaRI) 一、台語文書寫　◎敢真正有人寫台文？　＊古早人寫台文：有全羅馬字的，有全漢字的，嘛有辭典。　1.有全漢字的文獻：　a.歌仔冊：古早人唱一寡歌，抑是戲劇的劇情，用”七字仔”的方式，　　共伊寫佇咧小小本仔的歌仔冊頂頭，若親像歌詞本。內容真濟。　　(”七字仔”就是一句有七字，四句做一葩。) 　. 　　-例：《胡蠅蠓仔大戰歌》：　　　故事的內容就是一隻胡蠅佮一隻蠓仔怹兩个咧起冤家，　　　起冤家了後，毋甘願，去招其他的動物，蜘蛛啦，　　　蛤仔(kap-á)啦，蜂啦，啥貨乎，兩爿咧相戰，戰甲足鬧熱的。　　　﹡咱會當看著伊漢字的用字，有真重要的特色，就是　　　用音為主，「隨時”廣””乎””戶”蠅知」“講”話的”講”，　　　寫做”廣”告的”廣”，因為仝音。　　　﹡歌仔冊的用字有伊家己的方式，有當時仔無一致。　　　你若無經過訓練，可能看無啥有。　　b.歌仔戲的劇本：　　歌仔戲古早是做活戲，是無劇本的，大概知影一个劇情按呢就去演矣。　　對1950年代開始，有人共伊寫做劇本，寫的字仝款是以漢字為主，　　彼的原則佮”歌仔冊”的原則仝款，借音字上濟。　　　因為歌仔戲的劇本內容足濟，有唱的，有唸的，有劇情，　　所以有當時仔真濟字毋知按怎寫，就發揮真大的創意，　　寫真濟咱愛去臆才臆會出來的字。　　★漢字若是無一致，你若想欲查，嘛無地查。　　咱這馬漢字愛予伊一致，逐家用仝款的漢字，按呢佇教育上，才會　　較方便，才會較好教。　　2.有全羅馬字的文獻：　　a.《台灣教會公報》(參見2017.07.06彼集3：43有介紹過) 　　b.《芥菜子》月報，1925年時陣的文獻，伊原仔是報紙。　　　(像這份)中央的所在，伊講”募集盲啞生”，共看報紙的人講恁兜若是有　　　看袂著，抑是袂曉講話的囡仔，你會當送來阮這个特殊的學校，學校會當　　　共你教。恁兜若是無好過，甚至毋免納錢嘛無要緊。　　c.文學作品：《Án-niá ê Ba̍k-sái》(《俺娘的目屎》) 　　　1925年，賴仁聲　　(對「台語文記憶網站」引用) 　　　這是規本攏是用全羅馬字方式寫的一本小說。　　3.各種工具冊：比如講辭典、教科書。　．《廈英大辭典》：用英語解說廈門話。　　《廈門音新字典》甘為霖牧師編輯：　　用台語的羅馬字去解說台語的漢字。　　(參見2017.07.06彼集4：47有紹介) 　　．《臺日大辭典》、《日台大辭典》：台語佮日語之間(的對照)。是佇日本時代，　　台灣語言學的祖師爺，叫做小川尚義所編的。　　是咱研究台語足重要的資料，因為伊收詞非常非常的濟。　　．《台灣風俗誌》、《警察台語教科書》：　　　台語和日語互相的工具冊。　．《彙音寶鑑(十五音si̍p-ngóo-im)》：古早用漢字來解說漢字台語的物件，　　　這本冊毋是上早的，是較晚的，毋過伊是第一本佇台灣出版的。　．現代的台語辭典：有真濟，大部份用羅馬拼音，用漢字解說。　　◎現代敢閣有人咧寫台文？　＊《台文通訊BONG報》：是雜誌，一個月出一改，　　薄薄仔爾，內容誠豐富。有詩、有散文、有小說、有報導，有真濟內容。　　伊書寫的方式，是教育部的漢字佮台羅兩个濫咧寫。　　＊教育部電子報有一个專欄(tsuan-nuâ)《閱讀越懂閩客語》：　　一禮拜出刊一改，一改攏有一篇台語的文章，佮一篇客語的文章。　　台語的文章短短仔，幾百字爾爾，伊的字全部攏是《教育部台灣閩南語常用詞辭典》　　內底的漢字，你若是看文章的時，拄著看無的字，會當去查辭典。　　＊現代生活中的台文：　．現代台語文學作品、有聲冊　．用台文寫面冊：寫詩、散文、創作、心情、廢文、寫理念、資訊　．用台文開講：比如講咱的Messenger、Line，頂頭用台文來互相講代誌。　二、逐家講台語：網路新時代　★網路bāng-lōo：愛注意”網bāng”的變調。　 -好、枉、海、語、網、五、瓦、遠：華語攏是讀做第3聲，　 -好、枉、海、語：台語讀第2聲　 -網、五、瓦、遠：台語讀第7聲，注意變調了後讀做第3聲。　　．面冊bīn-tsheh 　．傳訊息thuân sìn-sit 　．私訊su-sìn 　．電子批tiān-tsú-phue 　．電子批箱tiān-tsú-phue-siunn 　．附檔hù-tóng 　．糞埽批pùn-sò phue 　．閘tsa̍h 　．無線bô-suànn 　．線頂suànn-tíng 　．雲端hûn-tuan 　．雲頂hûn-tíng 　．硬碟ngē-tia̍p、HD(ha-D) 　．傳thuân 　．囥khǹg(檔案) 　．存tsûn 　．儉khiām(檔案) 　．下載hā-tsài 　．Download(táng-lóo) 　．備份pī-hūn 　．巧手機仔khiáu-tshiú-ki-á 　．智慧型手機仔tì-huī-hîng tshiú-ki-á 　．食甲飽tsia̍h kah pá 　．月租方案gue̍h-tsoo hong-àn 　．微量上網bî-liōng tsiūnn-bāng 　．口座kháu-tsō 　．密碼bi̍t-bé 　．暗碼 àm-bé 　．個資kò-tsu 　．詐騙tsà-phiàn 　．佬仔láu-á 　．諞仙仔pián-sian-á 　三、今仔日的作業：　◎佇網路頂揣一篇台文來看，　　共你揣的過程(工具、使用的網路方案)解說予人聽，介紹伊嘛去揣一篇來看。　 ## [2017.07.27《講台語當著時》：輕聲佮疊詞](https://youtu.be/Gjxh5tAVeiQ) 一、輕聲佮疊詞　◎輕聲　＊華語的輕聲：紅的、我的、一個、斧頭...... 　＊台語的輕聲：　．紅的âng--ê、寫的siá--ê、煮食的tsú-tsia̍h--ê 　　動詞後面加一个輕聲”的ê”，就表示伊的職業。　．王的Ông--ê、牽的khan--ê、姊仔tsí--á、阿發仔A-huat--á 　　白賊七仔pe̍h-tsha̍t-tshit--á 　．等一下tán--tsi̍t-ē、坐一時仔tsē--tsi̍t-sî-á、巡巡咧sûn-sûn--leh 　　　﹡台語的變調，就是講一个詞若是佮做伙的時陣，頭前彼字就愛變調，　　　後面彼字就愛唸本調。毋過，有的時陣毋是按呢，有的時陣，　　　頭前彼字唸本調，後面彼字就唸”輕聲”。　　﹡後面彼字輕聲的聲調無去，綴頭前彼字的聲調懸低，來決定伊欲唸啥物聲音。　　．兩種唸法，意思無仝款　　-啉兩杯lim--nn̄g-pue：啉幾杯的數量無一定。　　　　　lim nn̄g pue：真正啉兩杯。　　-驚死kiann--sí：『嚇死我了』　　　　　kiann sí：『很怕死』　　-無去bô--khì：『不見了』　　　　　bô khì：『沒有去』　　-提來the̍h--lâi：”提”是本調，”來”是輕聲，後面無接物件的時陣。　　　the̍h lâi tsia：”提”佮”來”兩字攏變調，干焦”遮”是本調。　　-轉去tńg--khì 　　　　　tńg-khì...：轉去阮兜。　　-紲落去suà--lo̍h-khì 　　　　　 suà lo̍h-khì...：紲落去講　　﹡後面有接物件的時陣，伊就無唸輕聲。　　　若無接物件的時陣，頭前彼的動詞，就愛唸本調，後面的補語就愛唸輕聲。　　◎疊詞　　　類型　　　　華語　　　　　　　台語　．形容詞：苦苦的、香香的、　　　　苦苦、芳芳　　　　　　　　　　　　　　　　　　芳芳芳pha̋ng-phang-phang 　．動　詞：到處走走、隨便寫寫、　　四界行行咧、凊彩寫寫咧　．副　詞：飛得遠遠的、　　　　　　飛遠遠、放外外、行緊緊　．　試　：吃吃看、　　　　　　　　食看覓、食看咧　　＊台語真愛疊　．ABB：紅kòng-kòng、懊tū-tū、密tsiuh-tsiuh、糊luì-luì、　　　　　氣phut-phut、鹹tok-tok、橫霸霸、閒仙仙、臆出出　．AAB：liu-liu去、ngiāu-ngiāu趖、phi̍h-phi̍h掣、sih-sih顫、　　　　　踅踅唸、金金看、嘛嘛吼、拋拋走、硞硞傱　．AABB：坎坎坷坷、搝搝搦搦、指指揬揬、離離落落、　　　　　掩掩揜揜、窸窸窣窣、沓沓滴滴　．ABAC：面憂面結、不答不七、拖身拖命、頓椅頓桌、大主大意、　　　　　有時有陣、搦屎搦尿　．ABAB：意思意思、趣味趣味、拄搪拄搪　　◎輕聲+疊詞　．開khui 　．開開：khui-khui 『開開的』/ khui--khui『打開』　．開開開：khui̋-khui-khui 『非常的開』/ 　　　　　　khui-khui--khui 『全部打開』　　§干焦音的差別爾爾，聲音無仝，輕聲的所在無仝，變調無仝，意思嘛無仝款。　二、逐家講台語：身苦病疼真艱苦　◎感冒kám-mōo 　．流鼻lâu-phīnn 　．實鼻tsa̍t-phīnn 　．嗽sàu 　．嗽嗽sàu-sàu：感冒欲好的時陣，猶閣有一點仔嗽。　．人艱苦lâng kan-khóo『身體不舒服』　．無爽快bô-sóng-khuài『身體不舒服』　　◎ 　．憂鬱症iu-ut-tsìng 　．燥鬱症sò-ut-tsìng：會當照漢字來唸。　．腸燥症tn̂g-sò-tsìng：毋是心情的問題，是胃腸的問題矣。　　有當時仔落，有當時仔閣放袂出來。　★狀況tsōng-hóng 　．大腸使性地tuā-tn̂g sái-sìng-tē 　．大腸雷公性 tuā-tn̂g luî-kong-sìng 　．發炎huat-iām 　．著癌tio̍h-gâm 　．著病tio̍h-pēnn/pīnn：”破病”的動詞愛用”著tio̍h”。　　 ◎癌gâm 　．大腸癌tuā-tn̂g gâm 　．肺癌hì-gâm 　．胃癌uī-gâm 　．肝癌kuann-gâm 　．奶癌ling-gâm 　．肺腺癌hì-suànn-gâm 　．子宮頭癌tsú-kiong-thâu-gâm 　★腰尺癌io-tshioh-gâm (腰尺就是『胰臟』) 　　◎ 　．頭殼搐搐疼thâu-khak tiuh-tiuh thiànn『頭抽痛』　．鬢邊sia̍k-sia̍k叫：pìn-pinn sia̍k-sia̍k-kiò 　．目睭痠澀ba̍k-tsiu sng-siap 　．流目油lâu ba̍k-iû：毋是流目屎。　．飛蠓症pue-báng-tsìng：目睭親像有蠓佇咧飛來飛去。　．頷頸仔筋 ām-kún-á-kin 　．絚tòng-tòng：ân-tòng-tòng『很緊』　．硬掙硬掙ngē-tsiānn ngē-tsiānn『很僵硬』　．腰痠背疼io sng puē thiànn 　．胸坎實實hing-khám tsa̍t-tsa̍t『胸悶』　．中氣袂順tiong-khuì bē-sūn『胸悶』　　◎胃uī 　．胃慒慒uī tso-tso 　．胃滯滯uī tù-tù 　．胃悶悶uī būn-būn 　　﹡遮的感覺真歹用華語去解說。　．揻揻鑽ui-ui-tsǹg：較嚴重的，疼起來有夠艱苦。　．腹肚滾絞pak-tóo kún-ká 　　◎ 　．痠骨輪sng kut-lûn 　．疼骨節thiànn kut-tsat 　．骨頭含梢kut-thâu hâm sau：『骨質疏鬆』，骨頭會變較脆，愛注意。　．歇睏hioh-khùn 　．食藥仔tsia̍h-io̍h-á 　．注射tsù-siā 　．注血筋tsù-hueh-kin：『靜脈注射』　　◎做檢查tsò kiám-tsa 　．抽血thiu-hueh 　．驗尿giām-jiō 　．量血壓niû hueh-ap 　．磅血壓pōng hueh-ap 　．照電光tsiò tiān-kong：『照X光』　．翕電光hip tiān-kong：『照X光』　．斷層掃描tn̄g-tsàn sàu-biô 　．核磁共振hi̍k-tsû-kiōng-tsín 　．蹛院tuà-īnn 　．吊大筒tiàu-tuā-tâng 　三、今仔日的作業：　◎共一改你人無爽快，去予醫生看的經驗佮過程，講予人聽。　 ## [2017.08.03《講台語當著時》：台語華語無仝款：聲母韻母聲調](https://youtu.be/qt72ur9yYps) 一、台語華語無仝款　◎語音的無仝　＊台語有、華語無的聲母：　．b- ：米bí、慢bān、文武bûn-bú 　．g- ：我guá、銀gîn、五月gōo-gue̍h 　．ng- ：吳ngôo、雅ngá、硬悟ngē-ngōo 　．j- ：熱jua̍h、二jī、潤日jūn-ji̍t 　 §親像”b”的聲音佮”j”的聲音，英語內底攏有，所以你若是會曉講台語，　　台語的發音會準，對咱學英語的發音，是有幫贊的。　　＊台語特殊的韻母　．-m：貪心tham-sim、琴音khîm-im 　．-p：集合tsi̍p-ha̍p、立業li̍p-gia̍p 　．-t：出力tshut-la̍t、法律huat-lu̍t 　．-k：惡毒ok-to̍k、祝福tsiok-hok 　．-h：八月pe̍h-gue̍h、食桌tsia̍h-toh 　．-nn：姓張sènn/sìnn-tiunn、病院pēnn/pīnn-īnn 　．毋m̄、黃n̂g 　　＊聲調比較　．台語聲調： 1、 2、 3、　4、 5、 6、 7、 8 　　例　　字：衫、短、褲、闊、人、矮、鼻、直　．華語聲調： 1、 4、 3、 2 　　例　　字：媽、罵、馬、麻　　﹡有三个聲調是台語有，華語無的聲調，就是台語的第4調、第7調佮第8調。　　第4調佮第8調就是入聲的韻尾，上尾仔會接p、t、k、h。　　第7調就親像”鼻”，是一个平的聲音，聲音較中央，華語無。　　◎詞彙的無仝　．倒反：人客、退後、崩山、雞母、鬧熱、棄嫌、　　　　　頭額、上北、菜蔬、廟寺、跤手、椅桌　．動詞佇後面：米粉炒、蚵仔煎、麵粉煎、芋粿曲、　　　　　　　　芋仔糋、豆乾糋、白菜滷　．意思無仝：僥倖、斟酌、討債、齷齪　　◎語法的無仝　＊台語的語法　　　　　　　　＊華語的語法　．我衫提咧、車牽咧　　　　　．我拿著衣服、牽著車　．你敢欲去？按呢敢好？　　　．你要去嗎？這樣好嗎？　．咱來去行行咧、踅踅咧　　　．我們去走一走、逛一逛　．伊共我拍　　　　　　　　　．他打我　．我食飯飽欲去學台語　　　　．我吃飽飯要去學台語　．我歌唱了才去　　　　　　　．我唱了歌再去　　◎外來語多元閣豐富，分做三類：　1.照漢字去唸，音就準矣，已經完全吸收入來：　　便當、烏輪、野球、酸素(『氧氣』)、虱目仔、起毛　2.一般漢字寫做按呢，毋過咱佇唸的，佮漢字的聲音無仝：　　歐巴桑、雪文、引擎、瓦斯、奧援、味噌、壽司、運將　3.遮的物件是完全無漢字通好寫：kha̋ng-páng、bì-luh、　　a-lú-mih、ha̋n-tó-luh、khōng-ku-lí、lìn-gòo、loo-lài-bah 　二、逐家講台語：上街頭爭權益　．上街頭tsiūnn ke-thâu 　　上：(文) siōng：上頂、上好。　　　　(白) tsiūnn：做動詞的時陣，愛唸白話音。上車、上北、上街頭。　．戒嚴kài-giâm：警戒、戒律。　．解嚴kái-giâm：解決、解說。　．橋(仔)頭事件Kiô-(á-)thâu sū-kiānn：戒嚴時期第一改的街頭運動，街頭抗議事件。　．余登發 Î Ting-huat 　．美麗島Bí-lē-tó：《美麗島》雜誌，美麗島事件，佇咧12月初10「國際人權日」　　　　　　　　　彼工發生的代誌。彼當時仔有真濟人予人掠去，有”人權律師”組成的　　　　　　　　　律師團，來替遮的被告做辯護。　　．人權律師jîn-khuân lu̍t-su 　．農民運動lông-bîn ūn-tōng：解嚴以後上蓋激烈的一改，街頭運動，　　　　　　　　　　　　　　是欲爭取農民的權益。　．刑法100條Hîng-huat 100 tiâu：就是咱所謂的”內亂罪(lāi-luān tsuē)”。　　因為彼當時仔，有真濟人主張台獨，毋過這條規定講你若是想欲共這个政府　　偃予倒，干焦想爾，伊就會當共你判刑。所以彼當時仔，有真濟人去爭取講　　這條法律愛修改，這是”刑法100條運動”。　　．公投法Kong-tâu-huat：”公投”就是咱每一个人攏會當參與國家政策的一个方式。　．鄭南榕Tēnn Lâm-iông：爭取百分之百言論自由的一个要緊的人，這个名一定愛　　　　　　　　　　　　會記得。伊為著欲爭取言論自由，無願意予政府掠去，　　　　　　　　　　　　無願意予警察掠去，伊就佇伊的報社內底自焚。　．言論自由giân-lūn tsū-iû 　．自焚tsū-hûn 　　﹡以上攏是政治性的街頭運動　　．社會議題siā-huē gī-tê 　．核能hi̍k-lîng(hi̍k是文音，hu̍t是白話音，兩種攏會使) 　．反核huán-hi̍k 　．環保khuân-pó：注意”環khuân”的發音，毋是”huân”。　．還我母語hîng guá bú-gí：客家朋友爭取還我客家話。　．救幼妓kiù iù-ki：”幼妓”就是『雛妓』。彼當時仔，華西街有真濟幼妓，　　咱欲去共怹解救，怹攏足細漢的。　．身心障礙sin-sim tsiòng-gāi 　．同性愛權益tông-sìng-ài khuân-ik 　．學運ha̍k-ūn 　．野百合iá-pik-ha̍p：若是指學運的時，頭一字的字母愛大寫。　．日頭花ji̍t-thâu-hue 　．反服貿huán ho̍k-bōo 　．占領立法院tsiàm-niá Li̍p-huat-īnn 　．開放政府khai-hòng tsìng-hú 　．g0v零時政府g0v Lîng-sî Tsìng-hú 　．公民參政kong-bîn tsham-tsìng 　．合作ha̍p-tsok 　．協作hia̍p-tsok 　．家己的國家家己救Ka-kī ê kok-ka ka-kī kiù 　三、今仔日的作業：　◎揀一項你關心的社會議題，用台語發表你的看法。講了以後想看覓，　　啥物發音、啥物詞彙，台語華語無仝款？敢有閣較有台語氣的講法？　 ## [2017.08.10《講台語當著時》：會曉使用羅馬字](https://youtu.be/QmRSyXe3Ac0) 一、會曉使用羅馬字　◎符號複習　．囥頭前的：p-　ph-　 m-　b-　　　　　　　　t-　 th-　 n-　 l- 　　　　　　　k-　kh-　 h- 　　　　　　　ts-　tsh-　 s- 　　　　　　　 j-　 g-　 ng- 　　．囥中央的：a　e　i　o　oo　u　ng　m 　　．囥後面的：-n　-ng　-m　-p　-t　-k　-h　-nn 　　．拼音練習：　　-關心 kuan-sim 　　-風吹 hong-tshue ← ”tsh” 是一个音，是一个單位。　．連字符：這兩个音是一个詞，用連字符共伊連起來。　．這兩个語詞攏是第一調，無聲調符號。　　 ◎聲調符號　＊聲調： 1、 2 、 3、 4 、 5、 6 、 7 、 8 　　符號： a　 á 　 à　 ah　 â　　　 ā　 a̍h 　　口訣：衫、短、褲、闊、人、矮、鼻、直　　口訣：東、黨、檔、督、同、黨、動、獨　　．-nn：姓張sènn/sìnn-tiunn、病院pēnn/pīnn-īnn 　．毋m̄、黃n̂g 　　＊聲調比較　．台語聲調： 1、 2 、 3 、 4、 5 、 6、 7 、 8 　　例　　字：衫、短、褲、闊、人、矮、鼻、直　　．第 1 調：伊上大，啥物符號攏免有。　．第 7 調：佮第1調聲音足仝款，　　　　　　”衫sann”佮”鼻phīnn”攏是平的聲音，　　　　　　第1調較懸，無符號，第7調佇中央有一橫的符號。　　．第 5 調：伊是夯起來的聲，像”人lâng”，　　　　　　佇”a”的頂頭戴一頂帽仔，表示伊是夯起來的聲。　　．第 2 調：高降調，是正爿撇對倒爿(á)。　．第 3 調：低降調，是倒爿撇對正爿(à)。　　．第 4 調：入聲，上尾仔一定是p、t、k、h收尾的。　．第 8 調：入聲，上尾仔一定是p、t、k、h收尾的。　　　這兩个差佇佗位？第4調較低，第8調較懸。　　　第4調排頭前，免符號，第8調有符號。　　＊拼音練習：　．上課siōng-khò：　　 ”上siōng”佮”鼻phīnn”佮調，咱知影伊是第7調，　　 ”課khò”佮”衫”(第1調)、”短”(第2調)無仝調，佮”褲”仝調，咱知影伊是第3調。　．學堂o̍h-tn̂g 　．台語Tâi-gí：因為”台語”是專有名詞，”T”愛大寫。　　﹡人名、地名、機關等等的專有名詞頭一字愛大寫。　　﹡語詞的中央愛會記得寫連字符號。　　◎聲調愛標本調　．愛標本調，袂當標變調：　．理由：天氣的天”thinn-khì ê thinn”，咱看漢字，　　　　　就知影仝字，仝意思，照講應該仝音。　　　　　若標變調，兩个”天”會無仝音，無合理。　．揣本調用仝款的方式：(下面的例照1~8調排) 　　　　　天氣的天、假仙的假、做工的做、桌頂的桌、　　　　　民視的民、雨水的雨、滑滑的滑　　◎變調的規則　．1、5 → 7 → 3 → 2 → 1　　　　　　p、t、k：4 → 8 　　　　　　8h↗　4h↑ 　　　　　　　p、t、k：4 ← 8 　．補充：泉腔5 → 3 　．功能：輔助咱學習、了解咱的語言竟然遮趣味。　．應用：聽著”tiam?-tîm”，　　　　　變調以後是第1聲→本調是第2聲→tiám 　　◎寫一句羅馬字：　．阿伯gâu早！：A-peh gâu-tsá！　．學符號學甲會曉甚至熟手，本來就需要時間練習。　二、逐家講台語：性別教育婚姻平權　．女權運動lú-khuân ūn-tōng 　．查某tsa-bóo 　．女性lú-sìng 　．查埔tsa-poo 　．男性lâm-sìng 　．雙性人siang-sìng-lâng 　．投票權tâu-phiò-khuân 　．財產分配tsâi-sán hun-phuè 　．經濟價值 king-tsè kè-ta̍t 　．查埔「款」khuán：『什麼的樣子』　．𤆬囡仔tshuā-gín-á：『帶小孩』　　華語的『帶』，台語有分兩種：”人”是”𤆬tshuā”的，物件是”紮tsah”的。　　　　　．育嬰仔假io enn-á ká 　．性別平權 sìng-pia̍t pîng-khuân 　．生理性別 sing-lí sìng-pia̍t 　．心理性別 sim-lí sìng-pia̍t 　．性別氣質sìng-pia̍t khì-tsit 　．性傾向 sìng-khing-hiòng 　．異性戀 ī-sìng-luân 　．同性戀/愛tông-sìng-luân/ài 　．雙性戀/愛siang-sìng-luân/ài 　．同志tông-tsì 　．迒性別 hānn-sìng-pia̍t：『跨性別』　　．婚姻平權hun-in pîng-khuân 　．釋憲748 sik-hiàn 748 　．修民法siu Bîn-huat 　．立專法 li̍p tsuan-huat 　．權利khuân-lī 　．權力 khuân-li̍k 　．性別教育 sìng-pia̍t kàu-io̍k 　．認捌 jīn-bat 　．熟似 si̍k-sāi 　．尊重tsun-tiōng 　．包容pau-iông 　．霸凌pà-lîng 　三、今仔日的作業：　◎請用台語思考：　　假使你的生理性別改變，你會想欲創啥？　　想好了後，用羅馬字共寫落來。　 ## [2017.08.17《講台語當著時》：定定唸毋著](https://youtu.be/Bwh-02sxLIM) 一、定定唸毋著　◎是按怎會唸毋著？　．無台語教育　　．獨尊華語的環境，使台語受著影響　．語言會變化，雖然有的音久來逐家會接受，　　毋過嘛是袂當啥物音攏接受　．一般較捷唸毋著的字詞　　◎聲音唸袂出來　． b-　 g-　 ng-　 j- 　． -p　 -t　 -k　 -m　 ng 　　．練習句：　　阮　向　望　安心　迎　獨　立日　　guán ǹg-bāng an-sim ngiâ to̍k-li̍p-ji̍t 　　◎變調錯誤　．捷運tsia̍t-ūn 　．網路bāng-lōo 　．碩士si̍k-sū 　．復健ho̍h-kiān 　．院長īnn-tiúnn 　．事實上sū-si̍t-siōng 　．奉獻hōng-hiàn 　．導師tō-su 　．善導寺Siān-tō-sī 　．獸醫siù-i 　．激動kik-tōng 　．畢業pik-gia̍p 　　◎華語的錯誤類推：　＊有的字，華語是仝音，佇台語是無仝音：　　﹡華語仝音　　　　﹡台語無仝音　．肯：肯定　　　　　．khíng-tīng 　　懇：誠懇　　　　　　sîng-khún 　　----------------------------------- 　．構：結構　　　　　．kiat-kòo 　　夠：有夠　　　　　　ū-kàu 　　----------------------------------- 　．徵：徵求　　　　　．ting-kiû 　　爭：爭取　　　　　　tsing-tshú 　　----------------------------------- 　．趨：趨勢　　　　　．tshu-sè 　　屈：屈勢　　　　　　khut-sè 　　----------------------------------- 　．啟：啟蒙　　　　　．khé-bông 　　起：起頭　　　　　　khí-thâu 　　----------------------------------- 　．示：宣示　　　　　．suan-sī 　　誓：宣誓　　　　　　suan-sè 　　----------------------------------- 　．鍵：關鍵詞　　　　．kuan-kiān-sû 　　建：建設　　　　　　kiàn-siat 　　----------------------------------- 　．律：律師　　　　　．lu̍t-su 　　綠：綠色　　　　　　li̍k-sik 　　----------------------------------- 　．訊：通訊　　　　　．thong-sìn 　　訓：教訓　　　　　　kàu-hùn 　　----------------------------------- 　．侵：侵犯　　　　　．tshim-huān 　　欽：欽此　　　　　　khim-tshú 　　----------------------------------- 　◎受華語影響：就是受華語發音的影響，唸毋著音。　．澳洲 Ò-tsiu / 歐洲Au-tsiu 　．狀況tsōng-hóng 　．傳統thuân-thóng 　．傳承thuân-sîng 　．產生sán-sing 　．衝突tshiong-tu̍t 　．美容bí-iông 　．席次si̍k-tshù 　．選擇suán-ti̍k 　．島嶼tó-sū 　．推廣tshui-kóng 　　◎較困難的詞　．排斥pâi-thik 　．殖民si̍t-bîn / 植物si̍t-bu̍t 　．詞彙sû-luī 　．論述lūn-su̍t 　．描述biâu-su̍t 　．召集tiàu-tsi̍p 　．毒鳥鼠thāu niáu-tshí 　．亂彈lān-thân 　．擬定gí-tīng 　．著作tù-tsok 　．領域líng-hi̍k 　．特赦ti̍k-sià / 赦免sià-bián 　．支援tsi-uān 　　◎有歷史的俗音：　　有的音有的人唸毋著，毋知影按怎，毋著的音予大部份的人來接受，　　這个俗音變做逐家四常咧用，久來毋知原來這个音是毋著的。　　　　正確的音　　　俗音　　．寂寞 tsi̍k-bo̍k　　　siok-bo̍k 　　---------------------------------------- 　．機器 ki-khì　　　　ke-khì 　　---------------------------------------- 　．機械 ki-hāi　　　　ki-hâi 　　---------------------------------------- 　．避免 pī-bián　　　　phiah-bián 　　---------------------------------------- 　．錄影 lio̍k-iánn　　　lo̍k-iánn 　　---------------------------------------- 　．公寓 kong-gū　　　kong-ú 　　---------------------------------------- 　．抱歉 phō-khiàm 　　phō-khiam 　　---------------------------------------- 　．補償 póo-siông 　　 póo-sióng 　　　　---------------------------------------- 　　★咱攏盡量愛唸正確的台語，台語毋是凊凊彩彩，聽有就好，有正確無正確　　　無啥要緊，咱毋好用這種態度看待咱的台語。　　　台語是真正經、真嚴肅，咱愛認真看待，袂當凊彩烏白讀。　二、逐家講台語：立法院咧變啥　．立法院Li̍p-huat-īnn 　．變(白) pìnn：變啥、變東變西，比”做”的意思閣較豐富。　　　(文) piàn：改變、變化　．立法委員lip-huat-uí-uân 　．提案thê-àn 　．審查sím-tsa 　．程序委員會Thîng-sū Uí-uân-huē 　．一讀it-tho̍k 　．黨團協商tóng-thuân hia̍p-siong 　．院會īnn-huē 　．預算 ī-suàn / ū-suàn / ī-sǹg 　．會期huē-kî 　．歇會hioh-huē：『休會』　．議程gī-thîng 　．異議 ī-gī / 意義 ì-gī：注意華語仝音，台語無仝音。　．決議kuat-gī 　．內政luē-tsìng 　．外交及國防guā-kau ki̍p kok-hông 　．經濟king-tsè 　．財政tsâi-tsìng 　．交通kau-thong 　．教育及文化kàu-io̍k ki̍p bûn-huà 　．司法及法制su-huat ki̍p huat-tsè 　．社會福利及衛生環境 siā-huē hok-lī ki̍p uē-sing khuân-kíng 　　簡稱：社福衛環siā-hok uē-khuân 　．群賢樓kûn-hiân-lâu 　．透明thàu-bîng 　．通光thang-kng 　．直播ti̍t-pòo/pò 　．[沃草Ak-tsháu](https://www.facebook.com/watchout.tw/?ref=br_rs)：有一个民間媒體，伊專門咧做立法院內底的直播，叫做《沃草》。　　　　　　　　　伊有一隻動物是”羊駝”，伊的名叫做”阿草”。　三、今仔日的作業：　◎請用台語思考：　 1.第一段「定定唸毋著」的詞複習一改。　 2.共今仔日看著抑是聽著的立法院新聞，　　用台語解說予人聽。　 ## [2017.08.24《講台語當著時》：下課以後家己學](https://youtu.be/StuIRRNhb2Y) 佳怡老師：這一集介紹真濟學習的資源，有辭典，有學羅馬字，有學漢字，嘛有看文章的，遮的攏免開到你一仙半角，就會當有真好的學習的機會，希望逐家會當好好仔利用。 =================== 一、下課以後家己學　◎輕鬆上網學台語，學習拼音認漢字　＊學羅馬字，佇網頂搜尋：　　．教育部[《臺灣閩南語羅馬字拼音教學網》](https://tailo.moe.edu.tw/main.htm) 　　聲母、韻母、聲調、變調，測驗隨个共咱介紹。　　適合完全無基礎的人開始來學，毋管囡仔抑是大人。　　　　　．咱來學臺灣閩南語：學拼音有撇步　　佇網路頂頭拍字[”咱來學臺灣閩南語”](http://language.moe.gov.tw/files/people_files/%E8%B3%87%E6%BA%90%E6%89%8B%E5%86%8A%E5%B0%88%E9%A0%81.pdf) 　　你會揣著一个PDF的檔案，是佇咧《教育部語文成果網》內底，點開看，　　會共你講這个系列有幾若本冊，其中第一本叫做《學拼音有撇步》，　　這本冊就是咧教羅馬字的。　　　　　．學漢字的資源　　佇網路頂頭拍字[”臺灣閩南語推薦用字700字表”](http://prj.digimagic.com.tw/ntcmin700/)，　　　　共咱較常用的，而且是揀一寡台語佮華語無仝款的基本詞，共伊列出來，　　攏總700字詞。　　遮的詞，辭典內底攏有收，若是想欲了解每一个詞是啥物意思，抑是有啥物例句，　　咱就會當查辭典。　　◎輕鬆上網學台語，翻查辭典聽字音　＊官方：教育部[《臺灣閩南語常用詞辭典》](http://twblg.dict.edu.tw/holodict_new/index.html)這个辭典自上線到今，已經十外年矣。　　1.詞目音讀：佇框仔內底拍字，拍”台語”的漢字，抑是羅馬字，攏會使。　　　共”GO”揤lueh去，你就會當查著，伊會共你講這个詞的台羅按怎寫，啥物意思，　　　閣有例句。每一个詞猶有發音予你聽。　　2.對應華語：佇框仔內底愛拍華語，仝款查會著。　　3.索引(sik-ín)瀏覽：有真濟資料。比如講：附錄內底有俗諺、咱親屬的名稱等等。　　　使用到一半，毋知欲按怎查，抑是看著的物件，毋知影伊代表啥物意思，看畫面　　　的倒手爿，有”操作說明”，共伊揤lueh，伊會詳細講按怎使用。　　＊民間：[《萌典》](https://www.moedict.tw/%E8%90%8C) 　．基本上，《萌典》的內容佮教育部台語辭典的內容是完全仝款，只是怹的介面無仝。　　伊上厲害的是有國語辭典、台語辭典、客語辭典，伊共教育部無仝款的辭典內容　　全部囥做伙，所以你會當互相查詢。　　＊欲查新詞：[《iTaigi愛台語》](https://itaigi.tw/about) 　．欲查啥物詞，共華語拍入去，一定愛拍華語。　．共”台語怎麼講”揤lueh，會共你講台語有幾種講法。　．佗一種講法你感覺較好，會當投票。　．有當時仔，有真濟新的物件，咱毋知影欲按怎講，　　咱會當透過這个網站，來看這个新的物件欲按怎講。　．有的詞你可能查無，你會當提供這个網站，你家己認為台語的講法，你會當共家己　　感覺較適當的講法寫佇遮，送出去，未來別人就查會著你的講法。　　◎輕鬆上網學台語，閱讀文章學寫作　＊[《閱讀越懂閩客語》](https://epaper.edu.tw/learning.aspx?classify_sn=6) 　．伊是《教育部電子報》內底的一个專欄(tsuan-nuâ)，逐禮拜攏有一篇台語的文章，　　佮一篇客語的文章。 . 　＊你若想欲做一睏共全部的文章看予了，你會當點這个[《教育部語文成果網》](http://language.moe.gov.tw/)的　　連結。點開以後，你就會當看著這幾年以來，　　逐禮拜一篇全部台語的文章，佮全部客語的文章。　　＊用台文寫面冊的作家：[《王昭華的FB》](https://www.facebook.com/cit.lui.hoe) 　．逐篇文章攏是用台語寫的，而且攏有一个主題。　．對初學者來講，你若是有看無的字的時陣，伊佇咧留話的頭一个，伊攏會共華語的　　翻譯寫佇咧遮。　．伊的內容非常的生活化，真心適，真趣味，推薦予逐家。　　＊台語新聞：較嚴肅的主題：[《世界台》](http://pnn.pts.org.tw/main/tag/%E4%B8%96%E7%95%8C%E5%8F%B0/) 　．用台語來寫世界的新聞，毋是共華語的報導翻譯做台語，是實際上看國外真濟英語，　　抑是法語的報導，然後用台語共伊寫做國際新聞。　．文章內容袂講真困難，毋過，你若是真正看無的時陣，遐的詞會連去教育部的辭典，　　閣較厲害的是，全文的作者，伊有全部錄音予你聽。　　◎善用資源學台語，月刊雜誌輕鬆讀　＊台語雜誌　．台文通訊BONG報(月刊；李江却台語文教基金會) 　．海翁台語文學(月刊；金安出版社) 　．台語教育報(雙月刊；開朗雜誌事業有限公司) 　．臺江臺語文學(季刊；臺南市文化局出版) 　．台文戰線(季刊；台文戰線雜誌社) 　．台灣文藝(半年刊；台灣文藝出版社) 二、逐家講台語：國家語言發展法　◎這是目前和語言有關係的三个真重要的法律　．國家語言發展法　　Kok-ka Gí-giân Huat-tián-huat 　．原住民族語言發展法　　Guân-tsū-bîn-tso̍k Gí-giân Huat-tián-huat 　．客家基本法 Kheh-ka Ki-pún-huat 　　．教育部Kàu-io̍k-pōo 　．文建會Bûn-kiàn-huē：這馬已經無矣，變做文化部。　．文化部Bûn-huà-pōo 　．原住民族委員會(簡稱：原民會) 　　Guân-tsū-bîn-tso̍k Uí-uân-huē 　．客家委員會(簡稱：客委會) 　　Kheh-ka Uí-uân-huē 　　﹡文化部、原民會、客委會就是彼三个重要法案的主管機關。　　．殖民統治si̍t-bîn thóng-tī：愛注意”殖si̍t”的讀音。　．壓迫ap-pik：”迫”佮”逼”，咱台語攏唸做”pik”。　．語言流失gí-giân liû-sit 　．語言復振gí-giân ho̍k-tsín 　．保存pó-tsûn 　　◎《國家語言發展法》的內容　．平等pîng-tíng 　．反歧視huán kî-sī：袂當認為任何一个語言是無好的。　．浸水式教學tsìm-tsuí-sik kàu-ha̍k『沉浸式教學』：　　咱袂當共台語當做是一个學科，伊是學其他的學科所使用的語言工具，　　也就是愛佇全台語的環境內底來上課。　．傳播thuân-pòo/pò：佇咱傳播媒體頂頭愛有台語的。　．媒體muî-thé：親像咱愛有全台語24點鐘的節目。　　◎語言研究　．研究gián-kiù：研究了後，才知影愛按怎保存，按怎教。　．語料庫gí-liāu-khòo 　．辭典sû-tián 　　◎公事語言kong-sū gí-giân：　　咱佇公家單位，辦任何的公家事務，攏會當用咱家己的語言來進行。　．法庭huat-tîng 　　◎《國家語言發展法》按怎發展　．立法程序li̍p-huat thîng-sū 　．部會協商pōo-huē hia̍p-siong：抑是機關會商，予每一个機關認為法案無問題矣，　　就會送入去立法院。　．落實lo̍h-si̍t：就算（法案）伊通過矣，閣較要緊的是後面敢會當真正落實。　．推廣thui-kóng / tshui-kóng 　．推捒thui-sak / tshui-sak 　三、今仔日的作業：　◎未來的作業：　 1.共今仔日講著的辭典、學習資源等等，記佇你的瀏覽器內底，定定去使用。　 2.開始學台語，捷捷講台語。